Noiz sortua: 2019-02-12 00:30:00

Tutera, arabazozoz estalita

Milaka arabazozo heldu dira Tuterara, aurreko urteetan baino gehiago; hala ere, ez da izan ohi baino kexu gehiago. Udala neurriak hartzen ari da zikinkeria eta zarata murrizteko
Milaka arabazozo, Tuterako pinudi baten inguruan, herenegun iluntzean.
Milaka arabazozo, Tuterako pinudi baten inguruan, herenegun iluntzean. JESUS DIGES / EFE Tamaina handiagoan ikusi

Ainhoa Larretxea Agirre -

2019ko otsailak 12

Neguan, eguna argitzearekin eta iluntzearekin batera, arabazozoz betetzen da Erribera eta Tutera (Nafarroa) inguruko zerua. Goizean, gizakiak baino lehen mugitzen dira, eta, eguna jaki bila igaro ondoren, goxotasun bila joaten dira iluntzean herriguneetara. Irudi ikusgarriak uzten dituzte arabazozoek, talde handietan mugitzen baitira, baina arazoak ere sortzen dituzte. Egunotan, milaka arabazozo pilatu dira Tuteran, eta udala neurriak hartzen ari da arazoei aurre egiteko.

Zikinkeria eta soinua, horiek dira arabazozoek sortutako arazorik handienak. Hala azaldu du Olga Risueño Tuterako Udaleko Ingurumen zinegotziak: «Goizean goiz eta iluntzean izaten da soinurik gehien, eta hori da arazo nagusia. Soinuaz gainera, zikinkeria ere sortzen dute».

Arazo horiek saihesteko, hegaztiak hiriaren erdialdetik kanpoaldera eraman nahi izan dituzte. Auto batean, hegaztientzat desatsegina den soinua jartzen dute, eta, horrela, landa ingurura bideratzen dituzte. Finean, leku batetik bertzera mugitzen dituzte herritarrei arazo gutxiago eragiteko. Gaur egun, Tuteran hegaztiak ez dira herrian bertan elkartzen; kanpoaldean dagoen leku jakin batean biltzen dira, eta han daude arazo nagusiak. «Zentral elektriko bat dago, babesgunetzat hartzen dituzten pinuak daude inguruan, eta herrigunean baino tenperatura altuagoa izan ohi da», azaldu du Risueñok. Leku pribatua da, eta udalak ezin du zuzenean bertan esku hartu; hala ere, zinegotziaren arabera, arazoa nola konpondu aztertzen ari dira.

Ezohiko kopururik ez

Risueñoren esanetan, bertze urte batzuetan baino arabazozo gehiago ailegatu dira aurten Tuterara, baina ez da ezohiko kopurua ere izan. «Negua berandu ailegatu da, eta horrek berekin ekarri du hegazti gehiago etortzea». Herrira hegazti gehiago heldu diren arren, ez dute nabaritu herritarren kexa kopuru handiagorik, eta aurreko urteetako prozedura berari jarraitzen ari da udala aurten ere.

Udaberria heltzearekin batera, martxo aldera utziko dute arabazozoek Erribera, eta neguarekin bat itzuliko dira heldu den urtean.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 26an eguneratua, 20:00etan. ©BERRIA

Koronabirusaren azken datuak

Berria

Azkeneko 24 orduetan zazpi pertsona hil dira COVID-19 gaitzaren eraginez, 11 positibo atzeman dituzte PCR probekin, eta lau gaixo ospitaleratu dituzte. Euskal Herrian 28.634 gaixok eman dute positibo guztira, koronabirusa atzemateko probaren bat eginda. Horietatik 2.027 hil dira. Grafikoak, albiste barruan.

Brasiliako dendetako langileak, COVID-19 proba egiteko ilaran. ©Joedson Alves / EFE

5,6 milioi gaixotu dira munduan, eta 350.000 baino gehiago hil

Berria

Munduan 5.594.175 kasu positibo baieztatu dituzte, eta 350.531 lagun hil dira COVID-19aren eraginez. Oraindik ez dira sendatu kutsatutakoen erdiak ere. Johns Hopkins Unibertsitatearen arabera, 2.288.579 dira sendagiria jaso dutenak.

Herritarrak ilada egiten Gasteizko supermerkatu batean, apirilean. ©Endika Portillo / Foku

Saltoki handiek %21 handitu zuten janari salmenta apirilean

Iker Aranburu

Hala ere, %5,3 gutxiago saldu dute, beste produktuen salmenta %64,4 hondoratu zelako.

Hildakoak oroituko dituzte Hegoaldeko erakundeek

Hildakoak oroituko dituzte Hegoaldeko erakundeek

Arantxa Iraola

Bat egin dute Espainiako Gobernuak gaur dolua erakusteko ezarri duen hamar eguneko epealdiarekin, eta eguerdian minutu bateko isiluneak egingo dituzte

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna