Lurrikara hiriburuan

Cristina Cifuentes Madrilgo erkidegoko presidenteak dimisioa eman du, eta ekaitz politikoa sortu du Espainiako Gobernuko alderdian
Cristina Cifuentes dimisioa aurkezten, atzo, Madrilen.
Cristina Cifuentes dimisioa aurkezten, atzo, Madrilen. EMILIO NARANJO / EFE Tamaina handiagoan ikusi

Mikel Rodriguez -

2018ko apirilak 26

Hilabetean baino gehiagoan Espainiako giro politikoa aztoratuta ibili da Cristina Cifuentes Madrilgo erkidegoko presidentearen inguruan, curriculuma faltsutzea egotzi baitzion hedabide batek, eta presidentearen azalpenek hagitz jende gutxi konbentzitu zutelako. Atzo bertze hedabide batek argitaratutako informazioak amore emanarazi dio: Cifuentes supermerkatu batean kremak lapurtzen erakusten duten 2011ko bideo bat zabaldu zuen. «Nahi gabe egindako zerbait» izan zela erran du, baina dimisioa eman du. Madrilgo oposizioak abagunea baliatu nahi du erkidegoko gobernua eskuratzeko, baina ekaitz politikoa Espainiako Gobernuko alderdian bertan sortu du, Cifuentesek iradoki baitu PPren ustelkeriarekin «zero tolerantzia» izan duelako argitaratu dutela bideoa. Mariano Rajoy Espainiako presidentearen adierazpenek gehiago elikatu dute eztabaida, azken asteotan ez bezala, ez baitu Cifuentes defendatu: «Egin beharrekoa egin du. Uste dut nahi eta nahi ez eman behar zuela dimisioa».

PPren gotorlekuetako bat izan da Madril, eta 1991z geroztik erkidegoko hauteskunde guztiak irabazi ditu. 2015az geroztik, ordea, Ciudadanos eskuineko bertze alderdiaren babesa beharrezkoa du gobernatzeko. Parlamentuko bertze bi alderdiek, PSOEk eta Podemosek, babes hori kentzeko eskatu zioten atzo, baina Albert Rivera Ciudadanoseko buruak erantzun zuen PPren bertze hautagai baten alde eginen dutela, hura «garbi» badago.

Izan ere, PP ustelkeria kasu larrietan nahasita dago Madrilen. Urte luzez Madrilgo PPren lider eta erreferente sendoa izan zenak, Esperanza Aguirrek, iaz dimisioa eman behar izan zuen kargu guztietatik, haren hurbilekoak nahasita zeuden ustelkeria kasuengatik jaso zuen presioaren ondorioz. Aguirreren dimisioaren ondoren, Cifuentesek hartu zuen alderdiaren presidentetza, eta urtebetean eskuinaren erreferente azkarra bihurtu da. Alderdiko ustelkeria sareekin ez diote aurkitu aitzindariei bezalako loturarik, eta kinieletan haren izena indartzen ari zen etorkizun hurbil batean PPren buruzagitzarako hautagai izateko.

Ustezko konspirazioa

Horregatik, konspirazio bat ikusi du Cifuentesek bideoaren argitaratzean. «Ustelkeriarekin zero tolerantzia izateak prezio bat dauka». OKDiario eskuin muturreko agerkari digitalak argitaratu du bideoa, baina Eduardo Inda zuzendariak ukatu egin du PPko norbaitek filtratu diela. Martxoan, Eldiario.es ezkerrekoak argitaratu zuen master bat ustez modu irregularrean lortu zuela Juan Carlos I.a Unibertsitatean.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Donostiako Ramontxu Berri tabernan egondako 683 laguni egin ziete proba, atzo ©Gorka Rubio / Foku

Hego Euskal Herrian, 492 positibo

Berria

Pertsona bat hil da Nafarroan, uztailaren 15etik lehena. Uztailaren 27tik abuztuaren 3ra Galdakaoko Muguru tabernan izan ziren 420 laguni PCR proba egingo diete, eta Donostian PCR-ak egiten jarraituko dute Ramontxu Berriko bezeroei.

Iñigo Urkullu Eusko Jaurlaritzako lehendakaria, iragan astelehenean, Gasteizen ©Jaizki Fontaneda / Foku

«Erantzukizunerako» deia egin du Iñigo Urkulluk

Joxerra Senar

Sare sozialetan zabaldutako ohar batean, Eusko Jaurlaritzako jarduneko lehendakariak ohartarazi du «denen artean ahal den guztia» egin behar dela lehen olatuan bizitako egoera dramatikora ez itzultzeko.

 ©ARITZ LOIOLA / FOKU

Eragile guztiekin biltzeko eskatu dio oposizioak Eusko Jaurlaritzari

Olatz Esteban Ezkati

538 positibo atzeman dituzte Hego Euskal Herrian, iragan astean halako bi. Ospitaleratzeak ere bikoiztu egin dira egun batean: 103 pertsona daude erietxean.

 ©RAUL BOGAJO / FOKU

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna