Noiz sortua: 2016-11-30 00:30:00

Arrakasta lehenengo, eta diskoa gero

'Ertzetatik' kaleratu du Huntza taldeak, bere lehen diskoa. Hamabi abestitan pop, rock eta ska estiloak landu ditu seikote gipuzkoarrak
Huntza taldeko kideak, atzo, diskoaren aurkezpenean.
Huntza taldeko kideak, atzo, diskoaren aurkezpenean. MARISOL RAMIREZ / ARGAZKI PRESS

Alaitz Armendariz -

2016ko azaroak 30

Bilboko Somera kalean ezagutu zuten elkar, triki-poteo batean, eta, hortik aurrera gertatu zaiena topaketa horren ondorio izan denez, leku hori aukeratu dute Ertzetatik (Mauka) lehen diskoa aurkezteko. Huntza talde gipuzkoarrak arrakasta handia lortu du denbora gutxian Aldapan gora abestiarekin. 200.000 entzunaldi baino gehiago izan ditu abestiak sarean hilabete baino gutxiagoan; eta, orain, kanta hori eta beste 11 biltzen dituen diskoa kaleratu dute Durangoko Azokarako. Izan ere, Josune Arakistain trikitilari eta abeslariak esan duenez, diskoa Aldapan gora kanta baino «askoz gehiago» da.

2014an ezagutu zuten elkar taldeko sei kideek, unibertsitateko festa giroan, eta, orduz geroztik, musika eta parranda uztartzen ibili dira ostegun iluntzetako triki-poteo eta txarangetan. Taldea sei lagunek osatzen dute: Arakistainek, Uxue Amonarriz pandero jotzaile eta abeslariak, Aitor Huizi biolin jotzaileak, Aitzol Eskisabel gitarra jotzaileak, Inhar Eskisabel baxu jotzaileak eta Peru Altube bateria jotzaileak. Guztiek izan dute aurretik harremana musikarekin; esate baterako, Arakistain Euskal Herriko trikitilari gazteen txapelketako irabazle izan zen 2011n.

Diskoa sortzeko egin duten bidea azaldu du Arakistainek. «Grabaketa prozesu oso azkarra izan da. Kantak bagenituen, baina ezkutuan zeuden». Sare sozialetan hain azkar zabaldu den abestiaz gain, Harro gaude ere ezagun egin da. «Lau hilabetean pentsatu eta grabatu dugu diskoa, Haritz Harregiren estudioan [Higain, Usurbilen]. Lehen aldia izan denez, pixka bat itsumustuan ibili gara, baina Harregik asko lagundu digu».

'Huntza' hitzaren esanahia

Abesti askok «kalejira izaera» dutela onartu du Altubek, baina azaldu du badela, adibidez, «bals ukitu bat» duen kanta bat ere. «Hainbat erritmo eta izaerako kantak dira, entzungarriak eta oso alaiak». Zehaztu duenez, herri unibertsitatearekin eta gaztetxeekin daude lotuta beren abestietako bi. «Trikiti mundutik sortutako abestiak dira, baina, gero, gure instrumentuekin beste oinarri bat jarri diegu».

Taldearen izenaren jatorriaz galdetuta, Aitzol Eskisabelek argitu du egun batean bere etxearen kanpoaldean ikusitako landare bati egiten diola erreferentzia, zehazki, beti goraka doan landareari. Ez zuten halako arrakastarik hain azkar lortzerik espero, baina «aurrera jarraitzeko» gogo handiz daude seiak.

Durangoko Azokan diskoa aurkeztuko dute Ahotsenea sortzaileen gunean. Abenduaren 5ean izango da hori. Gainera, urtea bukatu aurretik beste hiru kontzertu emango dituzte: abenduaren 16an Zaldibian izango dira; 17an, Mutrikun, eta 29an, Arrasateko gaztetxean; hirurak Gipuzkoan.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 24ko datuekin eguneratua. ©BERRIA

Koronabirusaren azken datuak

Berria

Azkeneko 24 orduetan ez da hildakorik izan, 23 positibo berri detektatu dituzte PCR probekin, eta hiru gaixo ospitaleratu dituzte. Euskal Herrian 28.474 gaixok eman dute positibo guztira, koronabirusa atzemateko probaren bat eginda. Horietatik 2.013 hil dira. Grafikoak, albiste barruan.

Zaintzaile bat adineko pertsona bati eskua ematen. ©BRAIS LORENZO / EFE

Hauskor azaldu da

A. Iraola - M. Peruarena Ansa

Krisiaren hasieratik jakina zen COVID-19ak gogor erasaten diela adineko pertsonei; edadekoen zentroetan izan diren heriotza ugariek agerian utzi dituzte egoitzen sistemaren inguruko hainbat gabezia, eta galderak sortu dituzte toki horietan egoiliarrek jasotzen duten osasun artaren inguruan.

Eguraldiaz eta neurrien arintzeaz gozatu dute herritar askok gaur. ©Juan Carlos Ruiz / Foku

Koronabirusak ez du inor hil Hego Euskal Herrian, lehen aldiz 85 egunean

Edu Lartzanguren

23 positibo berri detektatu dituzte PCR probekin, atzo baino bost gehiago.

Bihar irekiko dituzte hondartzak Donostian. Argazkian, atzo. / ©Juan Carlos Ruiz, Foku

Bigarren faserako jakin beharrekoak

Jon Ordoñez Garmendia

Astelehenetik araudi berri bat izango da indarrean Hego Euskal Herrian eta ordutegiei, saltokiei, taberna eta jatetxeei, hezkuntza zentroei, kirola jarduerei, eta igerileku eta hondartzei eragingo die.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna