Noiz sortua: 2018-08-15 00:30:00

Bestak Tafallan

Euskara Tafallan gizarteratzen

Laugarren urtez, Tafallako Udalak Euskaraz Bizi egitasmo euskaltzalea antolatu du jaietan. Atzo abiatu ziren festak, eta, sei jai egunen ondoren, astelehenean amaituko dira
Euskararen aldeko aldarriak Tafallako festetako txupinazoan, artxiboko irudi batean.
Euskararen aldeko aldarriak Tafallako festetako txupinazoan, artxiboko irudi batean. JAGOBA MANTEROLA / FOKU Tamaina handiagoan ikusi

Olatz Azpirotz Larzabal -

2018ko abuztuak 15

Gurutze Gorriak bota zuen atzo Tafallako jaiak (Nafarroa) hasteko suziria. Jaien anabasan, herritarrek asmoa dute beste urte batez Tafallako jaietan kaleak euskaraz betetzeko, herriko kantak euskaraz abesteko eta herria euskalduntzeko. Horregatik, euskara bultzatzeko zenbait egitasmo antolatu dituzte.

Asmo hori nahia ez ezik errealitatea ere izateko, Tafallako Udalak urteak daramatza Tafallan Euskaraz Bizi egitasmoarekin. Cristina Arconada Armendariz Hirigintza eta Lan Publikoko zinegotziak esan duenez, dinamika horrek euskarazko jardunaldiekin betetzen du jaien egitaraua: «Zehazki, jarduera horiek euskara Tafallan gizarteratzeko helburua dute».

Helburu horrekin, iaz bezala, hainbat jarduera antolatu dituzte abuztuaren 20ko Gazteriaren Egunean: Tafalla Kantuz, Baigorri elkartearekin batera; herri bazkaria, Euskara Batzordeak antolatuta; eta Patxi eta Konpania euskal musikarien kontzertua.

Armendarizek adierazi du urte hauetan bertaratu direnen kopurua «izugarri handia» izan dela, bai eta gerturatutakoen artean adin tarte guztietako herritarrak zeudela ere. Hortaz, aurreko urteetako kopurua mantentzea espero du aurten.

Azaldu du aurten ere hainbat herritarrek parte hartu dutela egitarauaren antolaketa zehazteko hilabeteetan egin ziren batzorde irekietan. Zehazki, Ikastolen Batzordeak, Baigorri Elkarteak, AEK-k eta dozenaka norbanakok. Txosnek Tafallan Euskaraz Bizi egitasmoa «guztiz egokitzat» eta «beharrezkotzat» hartu dute, bertako kide den Iñigo Urzain Anduezak adierazi bezala: «Herrian euskarak duen errealitatearengatik eta guk horren inguruan hartzen dugun hautuarengatik».

Urzainek zehaztu du urteak daramatzatela euskara txosnetan egoteko ahaleginetan. «Txosnek urteak daramatzate filosofia berarekin: beti egiten dugun guztia, ahal den neurrian, euskarak lehentasuna izateko eta presentzia izateko izan da». Horregatik, prestatutako egitarauarekin, euskara askoren ahotan egongo da Tafallako txosnetan. Horren lekuko dira txosnek lortutako euskal musika talde guztiak, kalejirak, herri bazkariak eta musikari bakarlariak.

Hala ere, dena ez da jaietan gelditzen. Armendarizek azaldu du euskara Tafallan gizarteratzeko ahaleginek jarraipena dutela urte osoan ere: «Abenduan Euskararen Eguna ospatzen da, eta, Gabonetan zein Aste Santuan, euskarazko Herri Koloniak egiten dira haurrentzat».

Kalean indartsuago

Herritarrek urte luzez euskararen alde egindako ahaleginek eta hartutako erabakiek normalizaziorako bidean jarri dute euskara. , Urzainek uste du Tafallan behera egin dutela euskararen normalizazioa mugatzen duten aurreiritziek.

Horrekin batera, gehiago dira euskara ikasten eta erabiltzen duten herritarrak. «Eragileak lotuta daudela uste dut; horren lekuko dira AEKn izena eman dutenak ugaritu izana, D eredua eskoletara zabaldu izana eta ikastoletako izen emateak handitzen jarraitzea», zehaztu du.

Egoera hori azterturik, adierazi du ondorioak agerikoak direla: «Orain, euskara entzun daiteke kalean; hala ere, asko dago egiteko eta lantzeko».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Udaletako eta Eusko Jaurlaritzako ordezkariak, Zumarragan bilduta. ©/ Ordiziako Udala

Ordiziako fokuan 35 pertsona kutsatu dira oraingoz, eta alkateak «autokonfinatzeko» eskatu du

Irati Urdalleta Lete - Jon Ordoñez Garmendia

Beste hemeretzi positibo daudela jakinarazi du Osasun Sailak, eta dagoeneko mila PCR baino gehiagoren emaitzak jaso dituzte. Alkateak "kutsatze komunitario bat" dagoela esan du.Murgak baztertu egin du konfinamendua ezartzea, baita joan-etorriak mugatzea ere. Itxi zituzten Haka, Miami eta Kebab tabernetako zerbitzariek negatibo eman dute. Biharko azoka bertan behera utzi du Udalak, eta kiroldegia, jolas parkeak eta liburutegia itxi ditu.

Jair Bolsonaro. ©Joedson Alves / EFE

Bolsonarok positibo eman du COVID-19an

Oihane Puertas Ramirez

«Bikain» dagoela adierazi du Brasilgo presidenteak. Hura izan da COVID-19aren eragina ukatu izan duten agintarietako bat, eta horrek ekarri du Brasil herrialde kutsatuenetako bat izatea.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Informazio osagarria