Hurrengo kaierak, Alda Merini eta Saint-John Perse

Udazkenean beste bi liburu berrirekin emendatuko da Munduko Poesia Kaierak bilduma, eta, horrenbestez, 40 zenbakira iritsiko da, 2014ko martxoan abiatu zenez gero.

Alda Merini (1931-2009) poeta italiarra itzultzen dihardu Aiora Enparantzak. Eugenio Montale, Salvatore Quasimodo eta Giorgio Manganelliren adiskidea izan zen Merini. Obra oso zabala argitaratu zuen.

Saint-John Perse (1887-1975) idazle frantsesaren poemak euskaratzen ari da Santi Leone. Literaturako Nobel saria jaso zuen 1960an. Andre Gide eta Paul Valeryren adiskidea izan zen. AEBetara alde egin zuen Vichyko gobernuaren garaian, eta han landu zituen bere liburu ezagunenetako hiru: Exil, Pluies eta Neiges.