Noiz sortua: 2020-06-27 00:30:00

ERREZETA

Rosti suitzarra txekor saiheskiarekin

BERRIA Tamaina handiagoan ikusi

Iker Markinez -

2020ko ekainak 27

OSAGAIAK 4 LAGUNENTZAT
Kilo 1 txekor saiheski.
Baratxuri buru 1.
Tipula 1.
3 patata.
Gurina.
Piper hauts beltza.
Gatza.
Brandy pixka bat.

1. Lehen pausoa labea berotzea izango da, 150 gradutan. Gero, labeko erretilu batean txekor saiheskia jarri, eta gatza bi aldeetatik bota. Baratxuri burua saiheskiaren aldamenean ipini, osorik zuritu eta aletu gabe. Tipula juliana lodian moztu, eta saiheskiaren gainean banatu. Ur pittin bat gehitu erretiluari. Labean sartu, eta mantendu ordubetez gutxi gorabehera, bueltarik eman gabe.

2. Bitartean, patatak egosi, ura irakiten dagoen lapiko batean, gatzik gabe. 40 bat minutuz egosi, pataten tamainaren arabera. Behin egosi ondoren, atera eta plater batean utzi hozten. Aurreko egunean egositako patata ere ondo datorkigu errezeta honetarako.

3. Labeko erretilua atera, eta labea 240 gradutara igo. Saiheskiari buelta eman, eta berriro labean sartu. Oraingoan, 25 bat minutuz eduki, saiheskia ongi gorritu dadin.

4. Bitartean, patatak zuritu, eta ontzi batean birrinduko ditugu. Gatza gehitu, eta piper hauts beltza ere bai. Zartagin batean, gurin koilarakada bat ipini, eta sutan jarri. Gurina urtu, eta kolorea hartzen hastean, patata birrindua bertara bota. Egurrezko koilara baten laguntzaz, patata pixka bat zanpatu, tortilla baten itxura har dezan. Bost bat minutuz utzi, ukitu gabe, ondo gorritu eta egin dadin, zartaginaren berotasunean. Ondoren, plater baten laguntzaz, buelta eman, eta berriro beste koilarakada bat gurin jarri zartaginean, eta patata berriro bertara bota, beste aldea ere gorritu dadin. Beste bost minutuz eduki, eta atera.

5. Saiheskia dagoeneko egina izango dugu. Labea itzali, eta labean bertan brandy txorrotada bat gehitu, eta labetik atera.

6. Dagoeneko prest ditugu osagai nagusiak. Beraz, plateran edo erretiluan saiheskia jarri, eta ondoan rostia. (Suitzan, Alemanian eta Frantzian ohikoa da haragia eta arraina rostiarekin zerbitzatzea).

Ea gustatzen zaizuen.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Udaletako eta Eusko Jaurlaritzako ordezkariak, Zumarragan bilduta. ©/ Ordiziako Udala

Ordiziako fokuan 35 pertsona kutsatu dira oraingoz, eta alkateak «autokonfinatzeko» eskatu du

Irati Urdalleta Lete - Jon Ordoñez Garmendia

Beste hemeretzi positibo daudela jakinarazi du Osasun Sailak, eta dagoeneko mila PCR baino gehiagoren emaitzak jaso dituzte. Alkateak "kutsatze komunitario bat" dagoela esan du.Murgak baztertu egin du konfinamendua ezartzea, baita joan-etorriak mugatzea ere. Itxi zituzten Haka, Miami eta Kebab tabernetako zerbitzariek negatibo eman dute. Biharko azoka bertan behera utzi du Udalak, eta kiroldegia, jolas parkeak eta liburutegia itxi ditu.

Jair Bolsonaro. ©Joedson Alves / EFE

Bolsonarok positibo eman du COVID-19an

Oihane Puertas Ramirez

«Bikain» dagoela adierazi du Brasilgo presidenteak. Hura izan da COVID-19aren eragina ukatu izan duten agintarietako bat, eta horrek ekarri du Brasil herrialde kutsatuenetako bat izatea.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna