Azken urratsa egin du Julian Sanchez Melgarrek Espainiako fiskal nagusiaren karguan aritzeko. Espainiako Ministroen Kontseiluak oniritzia eman zion atzo, eta astelehenean izendatuko dute. Jose Manuel Maza azaroaren 18an hil ondoren hautatu zuten Sanchez Melgar, hura ordezkatzeko.
Mazaren politikaren bide berean jarraituko duela ziurtatu du, eta bere egiteko nagusietakoa izango da, aurrekoak egin bezala, Kataluniako prozesuari ahalik eta oztopo gehien jartzea. PPren gogorrenaren erabateko konfiantza dauka Sanchez Melgarrek, eta besteak beste, ezagun egin zen Parot doktrinaren txostengilea izateagatik eta euskal presoen Frantziako eta Espainiako zigorrak batzearen aurka egiteagatik.
Sanchez Melgar fiskal nagusi izendatu dute
Iruzkinak
Ez dago iruzkinik
Ordenatu
