Albistea entzun

Landa eremuko andreen lana sustatzea eskatu dute

Landa eremua emakumeen «bizitoki», «lantoki» eta «borrokagune» izatea proposatu du EH Bilduk. Feminismoz lan egiteko eskatu du
EH Bilduko Emakumeen Guneko kideen agerraldia, atzo, Gasteizen.
EH Bilduko Emakumeen Guneko kideen agerraldia, atzo, Gasteizen. R.B / FOKU Tamaina handiagoan ikusi

Edurne Begiristain -

2022ko urriak 16

Landa Eremuko Emakumeen Nazioarteko Eguna izan zen atzo, eta EH Bilduko Emakumeen Guneko kideek data hori baliatu zuten emakume nekazarien enplegua defendatzeko. Emakumeen Guneko kideek bilera egin zuten Gasteizen, eta aztergai izan zituzten emakume nekazarien beharrak. Bileraren ostean egindako agerraldian, Eva Lopez de Arroiabe Arabako ahaldungai nagusiak eskatu zuen neurriak hartzeko landa eremuko emakumeen lana babeste aldera.

Hiru norabidetan galdegin zituen neurriak. Alde batetik, landa eremua «bizitoki» izatea aldarrikatu zuen: «Hiriak gainpopulatzen ari diren eta landa eremua husten ari den honetan, ezinbestekoa da gure herriak bizirik mantentzea, eta hor ezinbestekoa da emakumeen rola. Instituzioek zerbitzuekin hornitu behar dituzte». Bestetik, landa eremua «lantoki» izatea ahalbidetzeko politikak eskatu zituen. Lopez de Arroiaberen ustez, nekazaritzaren eta abeltzaintzaren «bihotza» dira landa eremuak, eta emakumeek lan handia egiten dute «gertuko eta eskala txikiagoko proiektuetan» eta elikadura burujabetzaren bidean. «Makroindustriaren ereduaren aurrean, kalitatezko lanaren eta produktuen alde egin behar da».

Beste ardatz bat ere aipatu zuen EH Bilduren hautagaiak: landa eremua «borrokagune» izatea. Lopez de Arroiabaren iritziz, landa eremuak borroka feministaren espazioak ere badira, emakumeak lurraren jabetzan modu «desorekatuan» daudelako eta «ikusezintasunari» aurre egin behar diotelako.

Arabako hautagaiaren ustez, aurrera egiteko, «feminismoaren tresnek eta proposamenek» lanabes izan behar dute landa eremuko emakumeak erdigunean jartzeko. Era berean, azaroaren 12rako EH Bilduk Bilbon deitu duen manifestazioan parte hartzeko deia egin zien feministei.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Sololuzeri eta Beltrani egindako omenaldia, gaur, Zaldibarko Eitzaga auzoan. ©Aritz Loiola / Foku

Alberto Sololuze eta Joaquin Beltran omendu dituzte, eta gertatutakoa argitzeko eskatu

Paulo Ostolaza

Bihar beteko dira hiru urte Zaldibarko luizitik. Han hildako bi beharginei omenaldia egin die Zaldibar Argitu plataformak.

 ©BERRIA

BERRASMATU BEHARREKO SISTEMA

Arantxa Iraola - Garazi Aduriz

Erruz ugaritzen ari dira osasun sistema publikoan dauden arazoei buruzko berriak; izurriak zamatu egin du aurrez ere usu herren ari zen lan eredua. Populazioa zahartzen ari den neurrian, premia handitzen ari da, eta sistema berriz asmatzeko garaia da, sare publikoak sendo iraun dezan, pribatuaren itzal gero eta luzeagoaren aurrean.
Bi foruzain Ribaforadan, gaur, istripua izan duen autoa ikertzen. ©Foruzaingoa

Bi lagun hil eta beste bat larri zauritu dira Ribaforadan izandako auto istripu batean

Berria

Zuhaitz baten eta geldirik zegoen kamioi baten aurka jo du ibilgailuak. 07:00ak pasa berritan gertatu da ezbeharra.

Euskotrenen geltoki bat, artxiboko irudi batean. ©Jon Urbe / Foku

Gizon bat hil da Durangoko tren geltokian, trenbidera erorita

Berria

Nasatik erori da 54 urteko gizona, eta buruan hartu duen kolpearen ondorioz hil da.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...