Albistea entzun

Departamendua akuilatzeko, bide seinaleak kendu ditu Herribiltzak

Seinaletikan «lehenik eta nagusiki» euskara agertzeko galdea egin du taldeak. Donibane Garaziko panel batzuk kendu dituzte protestan
Herribiltzak atzo egindako ekintza Donibane Garazin.
Herribiltzak atzo egindako ekintza Donibane Garazin. BOB EDME Tamaina handiagoan ikusi

Oihana Teyseyre Koskarat -

2022ko azaroak 6

Donibane Garazin bildu zen atzo Herribiltza kolektiboa. Departamenduak kudeatzen dituen bideetako frantsesezko bide seinaleak kenduko dituztela iragarri zuten, eta hala egin dute, eskari argi batekin. «Pirinio Atlantikoetako departamenduak Euskal Herriko bide departamentaletako seinaletikan lehentasuna eta nagusitasuna euskarari eman arte, auzolanean segitu dugu euskara bigarren mailako hizkuntza bezala tratatzen duten bide-seinale taulak kentzeko, euskarak ezin duelako itxaron», adierazi zuten.

Bere burua Euskal Herri osoko erakunde gisa, instituzio politiko burujabe gisa, eta, Frantziako eta Espainiako estatuetatik independente gisa aurkezten du Herribiltza kolektiboak. Eta ez da lehen aldia gisa horretako ekintza bat egiten duela. Izan ere, urrian, departamenduko Baionako egoitzaren aitzinean utzi zuten frantsesezko bide seinale bat, eta, horrekin batera, gutun bat helarazi zioten Jean-Jacques Lasserre departamenduko lehendakariari. Azken horrek «mehatxuz» erantzun zien, kolektiboaren arabera. Lasserrek zehaztu zien euskarazko seinaletikarentzat «tolerantzia» baldin bada ere ez dutela «araudiaren araberako baliorik». Hala, erran zien panelak kentzeagatik edo andeatzeagatik salaketa jar zezakeela.

Herribiltzaren ustez, ordea, euskararen egoera larriaren aitzinean, «ezinbestekoa da karrikako presentzia» indartzea. «Euskal Herrian euskaraz bizitzeko aukera ukan nahi dugu; hau da, gure eguneroko jarduera guziak euskaraz egiteko aukera ukan nahi dugu». Horiek horrela, euskararen erabileraren etorkizuna bermatzeko, «urrats berriak» egingo ditu Herribiltzak, adierazi zutenez.

Eskakizun zehatzak

Egoera aitzinarazteko asmoz, hiru eskakizun argi egin ditu taldeak. Batetik, herrien euskal izena ofizialtzeko galdea egin dezatela eskatu diete Ipar Euskal Herriko herriko etxeei. Horretarako, prozedura egiteko webgunea zabaldu diete. Bestetik, Ipar Euskal Herriko bideetan, eta herrien sarreretan, herrien izenaren ahoskera euskaraz eta frantsesez bera edo berdintsua delarik, «bakarrik euskarazko idazkeraren taula» uztea nahi dute, eta ahoskera edo izena ezberdinak direlarik, «frantsesezkoa atxiki nahi baldin bada, gainean euskarazkoa eta azpian frantsesezkoa ezartzea» galdetu dute. Azkenik, herrien izena ahozkoan erabiltzean «lehenik eta nagusiki» euskarazko izena baliatzeko eskatu dute.

Lasserreri igorritako erantzunean, bestalde, bilkura bat eskatu diote ekintzaileek. Gaur-gaurkoz, ez dute horretarako proposamenik ukan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Lezetxikiren Lagunak taldekoek ateratako argazki batzuk, Lezetxikoko galeria suntsituan. ©LEZETXIKIREN LAGUNAK

AHTaren tunel batek Lezetxikin kalteak egin dituela salatu dute

Xabier Martin

Aztarnategi baliotsuaren gertuko galeria bat suntsitu du tunelak, espeleologo batzuek dokumentatu dutenez. Euskal Herriko giza aztarnarik zaharrenak topatu dituzten lekua da Arrasateko koba
Osasun langile bat, atzo, Nafarroako Ospitale Unibertsitarioaren kanpoaldean. ©IÑIGO URIZ / FOKU

Osasunbideko gehiengo sindikalak grebara joko du, Sindikatu Medikotik bereiz

Ion Orzaiz

LAB, SAE, UGT, ELA, Afapna eta CCOOk hilaren 15erako egin dute deialdia. «Osasun publikoaren kalitatea eta lan baldintzak» hobetzea daukate xedetzat. Negoziazioa gobernuaren eta Sindikatu Medikoaren artean egin izana salatu dute
Bidaiari batzuk, Donostiako autobus geltokian. ©GOTZON ARANBURU / FOKU

Ibilbide luzeko autobusak doakoak dira jada ohiko bidaiarientzat Hegoaldean

Jone Arruabarrena

Berme bat ordaindu beharko da, eta gutxieneko bidaia kopuru bat egin
Euskal Herriko mugimendu feministaren agerraldia, atzo, Gasteizen. ©ENDIKA PORTILLO / FOKU

Zaintza sistema «eraldatzeko» mobilizatuko da mugimendu feminista

Edurne Begiristain

Lehen mugarria Martxoaren 8an ezarriko du Euskal Herriko mugimendu feministak. Zaintza «erantzukizun soziala» bilakatzea izango du helburu borroka dinamikak

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...