Errusiako Munduko Kopa: A multzoa. Egipto

Salah ez dago bakarrik

Aitor Manterola -

2018ko ekainak 14
Hirugarren aldiz ariko da Egipto Munduko Kopan, eta oso urrun daude aurreko bi aldiak: 1934an izan zen lehendabizikoa, eta 1990ean bigarrengoa. Bietan ez zuen lehen fasea gainditu ahal izan. Beste kontu batzuk ageri dira Afrika Kopan, azken hamabi urteetan hirutan izan baita txapeldun eta behin bigarren, iaz hain zuzen. Entrenatzaile ezaguna du aulkian, Hector Cuper argentinarra, eta izar nagusia Mohamed Salah da, Liverpooleko aurrelari golegilea. Haren inguruan antolatua dago taldea, eta Cuper izanda entrenatzailea, defentsako lana eta kontraerasoa ditu ardatz. Herrialdean bertan, kritika gogorrak egiten dizkiote argentinarrari defentsako lanari aparteko garrantzia ematen diolako, baina azkeneko emaitzak onak izan dira, eta, gainera, garbi asko erantzun die kritikoei: «Erasoan ondo aritzen da defentsako lana ona denean».

Taldean jokalari gazteak eta beteranoak daude, eta ez da nahasketa txarra. Berez dira lehiakorrak egiptoarrak, eta hori ere mesedegarri da honelako txapelketa motzetan. Multzo ona tokatu zaio, neurriko aurkariak baitauzka, eta horrek aukerak ematen dizkio aurreneko fasea gainditzeko. Itxuraz, eta aldez aurretik begiratuta, lehia Errusiarekin izango du bigarren lekua eskuratzeko, baldin eta Uruguaik uste zaion nagusitasuna erakusten badu. Dudarik ez da talde deserosoa izango dela multzoko beste hiru aurkarientzat, opari gutxi izango baitituzte. Salah behar bezala osatzen bada sorbaldako lesiotik, arriskutsua ere izango da.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna