Albistea entzun

Bertsolari Txapelketa Nagusiko finala. Beñat Gaztelumendi

«Ez nuen asmatu nire ahotsa ateratzen»

ARITZ LOIOLA/ ARGAZKI PRESS Tamaina handiagoan ikusi

Naiara Elola -

2017ko abenduak 19

Sentsazio «gazi-gozoa» utzi dio igandeko lehiak Beñat Gaztelumendiri (Donostia, 1978). Gozoa, bertsolaritzarentzat «astinaldi handia» izan delako finala, eta hiru-lau bertsolarik mailarik «onenean» egin zutelako bertsotan. Batez ere, Maialen Lujanbio txapeldunak egindako lana goraipatu du. «Plazako jardunagatik ere bazegokion txapel hori Lujanbiori». Baina, pertsonalki, sentsazio gazia du, saio osoan «nahi eta ezinean» aritu zelako, bertsotan bere tokia bilatu ezinik. «Oso lotuta aritu nintzen, ez nuen nire ahotsa ateratzen asmatu». Horrez gain, «BECeko olatua» hartzea ere kosta egin zitzaiola uste du. Zenbaitetan olatua aurka zetorkiola ere sentitu, eta horrek «txiki» bihurtu zuela dio. Hala ere, baikortasuna bidelagun duela, okerretatik ikasteko prest dago.

Parte hartu zuten zortzi bertsolarietan gazteena da Gaztelumendi, eta bigarren aldiz lehiatu da finalean. 2013ko finalean egotearekin nahikoa zuela dio, helburua beteta iritsi zela, alegia. Herenegun jokatutakoan, aldiz, bertsotan egiten dakiena erakusteko asmoa izan arren, ez zuela lortu dio. «Egun guztiak ez dira berdinak izaten. Buelta handirik ez diot eman nahi. Irakaspen batzuk atera ditut txapelketatik, eta joango gara hobetzen», dio baikor.

Txapelketa ez du zerbaiten hasiera edo amaieratzat, eta horrek zama arintzen dio. «Finala beste saioak bezalakoa da. Tamaina eta pisu handia du, baina, azken finean, saio bat da». BECen gertatutakoa onartu eta txapelketa osoan egin duen lana errepasatu nahi du orain.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Albiste gehiago

Pablo Larrainen 'Spencer' filmeko irudi bat. ©Donostiako Zinemaldia

Pablo Larrainen 'Spencer' izango da emanaldi sorpresako filma

Andoni Imaz

Etzi emango dute, 16:00etan, Viktoria Eugenian. Diana Spencer Galesko printzesari buruzkoa da.

Johnny Depp aktorea, atzo, Donostia Saria jasotzeko ekitaldian. ©Gorka Rubio / FOKU

Depp: «Arrazoi bakarrarengatik nago hemen: jendearengatik»

Edu Lartzanguren

Emazte ohiari tratu txarrak eman izanaren salaketa airean egon zen ekitaldian, nahiz eta inork ez aipatu zuzenean.

Thierry de Peretti zuzendaria eta Vincent Lindon aktorea, gaur, Donostian ©Jagoba Manterola / Foku

Droga trafikoaren barrunbeak eta kazetaritza, Sail Ofizialean

Ainhoa Sarasola - Mikel Lizarralde

Thierry de Peretti zinemagile frantsesak ‘Enquête sur un scandale d’état’ aurkeztu du Sail Ofizialeko lehian.‘La hija’ erakutsi du Manuel Martin Cuenca zuzendari espainiarrak sail berean, lehiatik kanpo

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Egin BERRIAlaguna

Irizpidea duzulako. Giroan zabiltzalako.

Zuk badakizulako.

Egin BERRIAlaguna