GEHIEGIKERIA KASUAK

NBEren baketze indarrek 1990eko urteetan jaso zituzten sexu esplotazioari eta sexu gehiegikeriei buruzko lehen salaketak, Kanbodian, Ekialdeko Timorren eta Balkanetan. Ordutik, ugariak izan dira halako kasuak. Horra nagusiak:

2001: Kosovo. NBEko kasko urdinak iritsi zirenetik Kosovo sexu trafikorako taldeentzat «paradisu» bihurtu zela salatu zuten giza eskubideen aldeko hainbat elkartek.

2002: Afrika Mendebaldea. UNHCRk eta Save the Childrenek Sierra Leona, Liberia eta Gineako sexu esplotazioa salatu zuten.

2003: Kongoko ErrepublikaDemokratikoa. Nepalgo soldaduei sexu gehiegikeriak eragitea leporatu zieten, eta sei kasko urdin atxilotu egin zituzten. 2004ko txosten batean, 72 salaketa ikertu eta 20 egiaztatu zituen NBEk.

2004: Burundi. NBEren bake indarretako bi soldadu kanporatu egin zituzten, sexu gehiegikeriak egotzi ostean.

2005: Kongoko ErrepublikaDemokratikoa. Haurrei sexu gehiegikeriak eragiteagatik, Marokoko sei kasko urdin atxilotu zituzten, eta Hegoafrika eta Uruguaiko soldaduak ere nahasi zituzten auzi berean.

2005: Sudan. NBEko kasko urdinei bortxaketak eta sexu gehiegikeriak egotzi zizkieten.

2006: Haiti eta Liberia. NBEko ehun bat kasko urdini eta langile zibili haurrak bortxatzea, pedofilia eta prostituziorako giza trafikoa egotzi zizkieten. Emakumez soilik osatutako bake indarrak hedatu zituzten Haitin 2007an.

2007: Boli Kosta. Marokoko «dozenaka» soldaduk sexu gehiegikeriak egin zituztela egiaztatu zuen NBEk, tartean haurrei, eta kasko urdinak gotortu egin zituzten.

2014: Afrika Erdiko Errepublika. Bangiko aireportuko kanpalekuan Frantzia, Txad eta Ekuatore Gineako soldaduek sexu gehiegikeriak eragin zizkietela salatu zuten haur errefuxiatuek. Frantziako auzitegiak eta NBEren Minusca misioa auzia ikertzen ari dira.