Albistea entzun

EKOGRAFIAK

Beroaren bila

Amaia Garcia -

2023ko urtarrilak 19

Aste honetan hotza bat-batean iritsi da. Kalera ateratzerakoan elurra, euria, haizea eta tenperatura oso baxuak aurkitu ditugu. Horregatik, etxera iristerakoan beroaren bila sartzen gara, eta kalean dugun egoeraz ahazteko zerbait bilatzen dugu. Berogailua piztu, etxean egiteko ditugun gauzak amaitu eta ahal dugunean sofan esertzerakoan, manta gainean jarri eta telebista pizten dugu beroa aurkitzeko. Horrelako zerbait egin dut nik: pantaila pizterakoan beroa nahi nuen, baina agertu zaidan lehena albistegia izan da. Bertan bero gutxi aurkitu dut; eguneroko albisteak ikusteaz gain, eguraldi hotzaren irudiak ikusi ditut. Horrez gain, kazetariak aterkiaren azpian hotza pairatzen ikusi ditut.

Beroa bilatzeko ETB2ra jo dut, eta bertan El Conquistador del Caribe saioarekin egin dut topo. Karibe aldeko tenperatura leunek uda gogorarazten digute, eta bertara joateko gogoa sartu zait. Saioa ikusi dudan bitartean, lehiakideek pasatzen dituzten probak ikusi ditut, eta bertan egoteko gogoak itzali egin zaizkit. Beroa nahi dut, baina sufrimendurik ez dut bizi nahi.

ETB1era aldatu dut, bertan berotasuna Leire Palaciosekin aurkitu dut. Eta bihar zer? saioaren lehen kapitulua oso bero etorri zen, sexuaren gaia plazaratu ostean. Familiaren inguruan hitz egin eta gero, estetikaz hitz egin du aste honetan. Saioan daramatzan outfit-ak ez dira aproposenak hotz honetarako, baina bera ikusiz, eguraldi hobea egiten duen uneetan pentsatzeko aukera eman dit, eta hotz gutxiago sentitu dut.

Telebista tradizionalean bero nahiko lortu badut ere, gehiago nahi dut. Horretarako, telesail baten bila joan naiz. Los Angeles hirian gertatzen den The L Word: Generation Q (Movistar Plus) telesailean ez da hotzik pasatzen. Telesaileko protagonistak aparteko kliman bizi dira, eta egunero ari dira zerbait ospatzen edo lesbianen arteko drama berri baten ondorioak pairatzen. Hotza ahazteaz gain, une oso dibertigarriak eman dizkit telesail horrek. Hirugarren denboraldiaren amaiera iristen ari da eta eguraldi honetarako plan aproposena iruditzen zait.

Negua amaitzeko asko geratzen da. Beraz, bakoitzak erabaki dezala zer jarri bere etxeko pantailan. Batzuek suaren irudiak jartzea nahiago dute. Ni telebistarekin ondo moldatzen naiz.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Ondarroako (Bizkaia) Kamiñazpi auzoan dagoen murala, Lian artistarena. ©Berria

Lian muralgilearen Ondarroako artelana, munduko hiru onenen artean

Paulo Ostolaza

Bozketa egin dute 2022an munduan egin diren ehun muralik onenen artean, eta hirugarren postua lortu du Kataluniako artistaren lanak. Kamiñazpi auzoan dago.

 ©BERRIA

«Besteez barre egiteari utzi behar diogu»

Unai Etxenausia

Konbentzituta dago Montalvo: arte eszenikoak ikuspegi feminista batetik abiatuz landu behar dira. Umorea feminismoarekin uztartzen duen formakuntza bat aurkeztuko du asteburuan, Ozetan.
Bego Viñuela kaligrafoa, <em>kaligrafia</em> hitza lumaz idazten, Bilboko bere estudioan. ©OSKAR MATXIN EDESA / FOKU
Jokin Etxeberria, <em>Muak</em>-en. ©MUAK

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.