Ni, zu, gu.
Nizugu, zuguni, gunizu.
Zugunizu.
Kontuz lehenki horien
modulazioekin!
«Ni» esan nuen eta
denak han zeuden.
«Neu» esan nuen eta
erdiak biratu ziren.
«Nerau» esan nuen eta
beste erdiak joan ziren.
«Neroni» esan nuen eta
batzuk itzuli ziren,
txiza egitetik bezala.
«Nihaur» esan nuen eta
zerurantz begiratu zuten,
hegaberak agertu bailiran.
Esperientzia aberatsa izan zen.
Euskara errazean idazteko,
komeniko da, beharbada,
erdaratik saiatzea.
Kontua da nik erdaraz
ez dudala ongi idazten.
Alderantzizkorik balitz,
ez dakit zeren seinale
izan litekeen.
Ez ditut ezagutzen
hizkuntza guztiak.
PASCALEN ESFERATIK
Zugunizu
Iruzkinak
Ez dago iruzkinik
Ordenatu