Alavesek ezustean harrapatu nahi du Real Madril etxean
Alavesek gaur ekingo dio ligari, Mendizorrotzan, Real Madrilen aurka (22:00, Movistar Partidazo). Partida oso berezia izango da: batetik, sasoiko lehena da; bestetik, zaleak estadiora itzuliko dira (ia 4.000 izango dira), hamazazpi hilabetez harmailatik urrun egon eta gero; eta, azkenik, gasteiztarrek arerio indartsua izango dute parean. «Konfiantza, gogo eta ilusio handia dugu», esan zuen atzo Javier Calleja Alaveseko entrenatzaileak. Ximo Navarro ez beste, jokalari guztiak ditu prest.
Iruzkinak
Ez dago iruzkinik
Ordenatu