EKOGRAFIAK

'Lo de Évole'

Miren Manias -

2020ko otsailak 5

Telebista ikusle asko ginen Jordi Evole kazetari katalanaren saio berriaren zain. Denbora luzez aritu dira Atresmediako kateetan (La Sexta eta Antena3) espazio horren estreinaldia iragartzen: Lo de Évole. Luzeegi, beharbada. Azkenean, iritsi da. Igande gauean estreinatu zuten lehen atala (La Sexta, 21:25), ordubete ingurukoa. Hamaika urte luzez Salvados egiten aritu ondotik, konplexua izan behar du aldaketak kazetariarentzat. Kontua da Evolek ez duela eduki berritzailerik sortu nahi izan saio honekin. Baina baliteke haren alderdi pertsonala gehiago ezagutzeko aukera izatea.

Gurasoekin bazkalorduan edo afalorduan duen elkarrizketarekin hasten da lehen eszena. Modu oso naturalean, gainera. Soinuari izugarrizko garrantzia ematen diote hemen. Finean, grabatzen ari diren elkarrizketak ez du gidoi zehatzik eta giro intimoa lortzea beharrezkoa da. Emaitzak ez du preziorik. Audientzia, kasik, kazetariaren terapia psikologikoaren aurrean balego bezala sentitzen da. Aitak, zehazki, saio berriaz galdetzen dio Evoleri: «Nola doa?». «Evole jarri diot izena», erantzuten dio. «[Salvados-en] hurrengo egunean denek amaitzen dutelako esaten: Ikusi duzu Evolerena?». «Bueno, hainbeste Evolek ere nekatu egiten du», esaten dio aitak.

Lehen atalerako, Jesus Quintero kazetari andaluziarrak 90eko hamarkadan egindako Cuerda de presos saioa berregin nahi izan du Evolek. Espainiako kartzeletako presoei egindako elkarrizketetan oinarritutako saioa, hain zuzen. Egun, ordea, telebista kartzeletara sartzea zailagoa da. «Espetxe sistemari gerta dakiokeen gauzarik okerrena baita, kartzeletan gertatzen denari buruz hitz egitea. Kanpora begira oso ahula da. Beraz, barrualdeaz zenbat eta gutxiago hitz egin, hobe». Adierazpen horiek Quinterok elkarrizketatutako preso ohi baten hitzak dira. Evolek lehen atalerako grabatutakoak. Kazetariak ez duelako metatelebista egitea baino beste erremediorik. Hau da, Cuerda de presos berregiteko prozesu konplexua erakustea.

Baina ez da edozein modutako kontakizuna. Bereziki, azken hamar-hamabost minutuak dira bizienak. Ikusleak ezusteko handienak hartzen dituen unea. Evoleri argi berdea ematen diote kartzelara sartzeko. Zehazki, Oriol Junqueras preso politikoa elkarrizketatzeko. Baina hori bigarren atalean ikusi beharko dugu. Nola bestela?

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Santos Indurain kontseilaria prentaurreko batean, artxiboko irudian. ©Jesus Diges/EFE

324 kasu atzeman dituzte Hego Euskal Herrian

Berria

Kasuen beherakada orokorra izan da herrialde guztietan: Araban 44 kasu detektatu dituzte (-31); Bizkaian, 180 (-31); Gipuzkoan, 35 (-29); eta Nafarroan, 59 (-87). Nafarroako Gobernuak ez du neurri orokorrik ezarriko oraingoz. «Atzokoa ez zen alarma guztiak pizteko modukoa, eta gaurkoa ez da kriskitinak jotzekoa», adierazi du Santos Indurain Osasun kontseilariak.

Zahar etxe bateko egoiliarrak paseoan, artxiboko irudian. ©Marisol Ramirez/FOKU

Donostiako zahar etxe bateko egoiliar batek positibo eman du

Berria

Zahar etxe bereko bi langile ere kutsaturik daude.

Gizon bat PCR proba egiten, Donostian. ©Gorka Rubio / FOKU

Hogei milioi koronabirus kasu baino gehiago detektatu dituzte mundu osoan

Oihane Puertas Ramirez

COVID-19a 188 herrialdetara iritsi da, eta 736.000 lagun baino gehiago hil ditu.

Nafarroako osasun langileak PCR probak egiteko prest, artxiboko irudi batean. ©Jagoba Manterola/FOKU

Agerraldi bat detektatu dute Murillo el Fruto eta Zarrakaztelu inguruan

Berria

30 positibo atzeman dituzte; gehienak, laborarien artean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna