Albistea entzun

EKOGRAFIAK

Bazka da

Lander Arretxea -

2021eko abenduak 8

Hau irakurtzen ari zarenerako, bere ateak ixtear da Durangoko Azoka. Ordu gutxi batzuk baino ez dira falta, ziur asko: ordu eta erdiko bizpahiru bisita txanda, lauzpabost ekitaldi. Bat baino gehiago ariko da Landako gunean bueltaka, aurreko egunetan erosi gabekoak geratu zaizkien sos apurrekin ordaindu ote ditzakeen kalkulatu nahian. Lana eta festa uztartu ditugunak, aldiz, ordulariari etengabe begira irudika gaitzakezu: aste honek utzitako begi zuloak arintzeko beharko genituzkeen opor egunekin ametsetan. Azoka topagunea dela esatea topiko errepikatuegia da. Baina topaketa hori bertatik bertara bizitzea ez da aspergarria batere.

Salbuespenak salbuespen, telebistak apenas duen leku propiorik gero eta anitzagoa den programazioan. Baina trukean, bertan jazotakoa pantailetara eramaten ahalegintzen diren dozenaka langile gaude hemen; kazetari eta tekniko andana, euriak edo COVID-19ak etxean utzi dituenei hemen gertatzen ari dena erakusteko formula original samar baten bila. Streaming, erreportaje, elkarrizketa eta abarrak osatzen, Durangoko Azokaren oihartzuna ez dadin bertako kale-tabernetan harrapatuta geratu. Durangoko Azoka, Durangon bezainbeste, telebistan dago.

Baina zutabe bat ezin denez soilik topikoen segida batekin osatu, beste gogoeta bat nahi nuke ekarri hona. Formol laborategiaren Album antzezlana ikusi genuen astelehenean, eta bere oihartzuna oraindik ere buruan darabilkit bueltaka. Hegoaldeko millenial-on erretratu aberatsa da, zeresan argirik ez izatea bera zeresan handia ematen duen gaia dela erakusten duena. Gauzak egin eta esateko modu propio baten bilaketaren emaitza ere bada; meme kultura eta feismoa, diskurtsoa eta gorputza, bikain uztartzen dituena.

Azokak frogatu du beste behin: sortzaile gazteagoen ekarpena ez dela edukira mugatzen; euskal kulturara eta bere egituretara haize freskoa ekarriko duenik bada, forman eta egiteko moduetan urratzen ari diren bidea dela. Formoleko kideen antzezlana bat da, oholtzan erakusteko sortutako obra. Bi urte eskaini dizkiote «gure belaunaldiak» zer eta nola esan dezakeen arakatzeko lanari. Horren emaitza edozer eraiki edo sortu nahi duenarentzat da pizgarri eta bazka; baita telebista egiteko bide berriak aurkitu nahi ditugunontzat ere.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Itziar Ituño aktorea, 'Mantangorri'-ren superposterra gehigarrirako egindako argazkian. / ©Maialen Andres, Foku

«Lanak bozgorailu handi bat eman dit»

Ane Insausti Barandiaran

BERRIAren Mantangorri gehigarriak Itziar Ituñori argiataratutako elkarrizketa argitaratu du gaur. Horrekin batera, superpostarra argitaratu da papereko edizioan.

2021eko Bidaia eta Mendi Kroniken Lehiaketaren irabazleak

Sei zangorekin, eta hiru eskutara

Enekoitz Telleria Sarriegi

Joseba Barandiaran, Aitor Esteban eta Asier Goñik irabazi dute BERRIAren Bidaia eta Mendi Kroniken Lehiaketa. Nafarroa Garaian eta Nafarroa Beherean bizikletaz egindako bidaia kontatu dute.

 ©TXAKUR GORRIA

'Burnout': erreak kiskaltzen duenean

Enekoitz Telleria Sarriegi

OME Osasunaren Mundu Erakundeak, lanarekin lotutako gaixotasun gisa onartu du neke profesionalaren sindromea —'burnout' edo erreta dagoen langilearena—. Zerk eragiten du? Lan baldintza kaskarrek, eta antolakuntza eta komunikaziorik ezak. Zer eragiten du? Estres kronikoa, autoestimu falta eta lanarekiko atxikimendurik eza. Zer uzten du agerian? Enpresek eta erakundeek ez dutela interesik arazo psikosozialetan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.