Albistea entzun

EKOGRAFIAK

Zer ikusi

Amaia Garcia -

2023ko urtarrilak 10

Pantaila piztu eta plataformetan zerbait bilatzen denbora asko ematen dut. Denoi gertatzen zaigun zerbait da, baina azken boladan krisi batean nago. Errealitatetik ihes egiteko fikzio interesgarri berri baten bila nabil. Bitartean, asko gustatzen zaizkidan telesail asko amaitzear daude, eta pixkanaka ikusten ari naiz. Aurreko astean The Good Fight telesailaren amaiera ikusi nuen. Telesail hori azaroan amaitu bazen ere, denboran luzatu egin dut telesail horretako pertsonaiei agur esateko unea. Diane Lockharti agur esatea zaila izan da. AEBetako politikaren eta abokatuen egunerokoa uztartzen duen telesail honek hutsune handia utzi dit jada.

Telesailak ikusteko une asko ditut, eta batzuetan bakarrik ikusten ditut, beste askotan bikotekidearekin. The Good Fight-en amaierara iritsi eta gero, sofan esertzerakoan, zer ikusi erabakitzeko denbora gehiago ematen dugu. Hori egin genuen azkeneko aldian, sentsazio horren inguruan solasean hasi ginen. Hutsik sentitzen gara, eta, afaldu osteko unea iristen denean, pantaila txikian zer jartzeko aukerarik gabe sentitzen gara.

Bakarrik ikusten ditudan telesailekin antzeko zerbait gertatzen ari zait. Good Trouble edo New Amsterdam bezalako telesailak ere amaitzen ari dira. Aurrekoan, pantaila txikiaren aurrean jarri nintzen, eta ez nekien zer jarri. Eskerrak Brooklyn Nine-Nine komedia ikusteko gogoa izan nuela, bestela Netflix, HBO Max eta Disney Plusen katalogoan denbora dezente galtzeko aukera nuen, eta, agian, ezer ikusi gabe geratuko nintzen.

Inspirazio bila, Urrezko Globoen izendatuen artean dauden telesailak zeintzuk diren begiratu dut. Batzuk ikusi ditut jada, eta ikusi ez ditudanek atentzio gutxi eman didate. Bitartean, Netflixeko aplikazioak noizean behin estreina berrien abisua ematen dit.

Neguko hotzarekin eta euriarekin, manta eta sofa gure lagun izaten dira, eta plan hori biribiltzeko telesail berri baten bila nabil. Momentuz, 2016. urtean estreinatu zen Atlanta telesailarekin hasi naiz, baina guztiz beteko nauen telesail baten bila jarraitzen dut. Algoritmoetan galduta nago, eta ezusteko baten bila jarraitzen dut. Bitartean, telebista piztua daukat, eta botatzen duten edozein gauza ikusten dut. Agian hori da errazena, telebista klasikoaren programazioari jarraitzea.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Ondarroako (Bizkaia) Kamiñazpi auzoan dagoen murala, Lian artistarena. ©Berria

Lian muralgilearen Ondarroako artelana, munduko hiru onenen artean

Paulo Ostolaza

Bozketa egin dute 2022an munduan egin diren ehun muralik onenen artean, eta hirugarren postua lortu du Kataluniako artistaren lanak. Kamiñazpi auzoan dago.

 ©BERRIA

«Besteez barre egiteari utzi behar diogu»

Unai Etxenausia

Konbentzituta dago Montalvo: arte eszenikoak ikuspegi feminista batetik abiatuz landu behar dira. Umorea feminismoarekin uztartzen duen formakuntza bat aurkeztuko du asteburuan, Ozetan.
Bego Viñuela kaligrafoa, <em>kaligrafia</em> hitza lumaz idazten, Bilboko bere estudioan. ©OSKAR MATXIN EDESA / FOKU
Jokin Etxeberria, <em>Muak</em>-en. ©MUAK

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.