Albistea entzun

EKOGRAFIAK

Hedabideek sortutako mina

Amaia Garcia -

2021eko azaroak 4

Konplot bat zirudien, Guardia Zibila, fiskala, hedabideak eta epaimahaia emakume baten aurka jarri ziren. Emakume horrek Dolores Vazquez du izena, eta 1999an bere bizitzak okerrera egin zuen bikotekide ohiaren alaba hil zutenean. Doloresek 20 urte eman ditu isilik. Kartzelatik irten zenean Erresuma Batura joan zen bizitzera, Malagan bizi izan zuen amesgaiztoa ahaztu nahi zuen. Amesgaizto hori nolakoa izan zen Dolores: La verdad sobre el Caso Wanninkhof (HBO Max) dokumentalean azaltzen du Vazquezek, Toñi Moreno kazetariaren laguntzarekin.

Rocio Wanninkhofen desagerpena eta heriotza Espainiako hedabide guztiek jaso zuten. Kasuaren inguruan agertzen ziren berritasunak telebistan ikusgai zeuden egunero, eta gizarteak errudun bat aurkitu nahi zuen. Susmagarri gutxi zeuden, eta bat-batean errudun bat sortu zuen Guardia Zibilak. Dolores Vazquezek Rocioren amarekin harreman bat izan zuen, eta horrek errudun egin zuen. Beatriz Gimenok esan du kasua lesbofobiaz beteta egon zela urteetan zehar. Dokumentalean haren lekukotza agertzen da, eta bere liburuaren tesia azaltzen du. «Lesbiana perbertsoaren irudia» sortu zutela adierazten du Gimenok.

Irudi hori Vazquezen jarreraren ondorioz sortu zen. Berak ez zuen hedabideen aurrean hitz egin nahi, bere hitzak gaizki erabiliko ziren beldur zelako. Alicia Hornos, Rocio Wanninkhofen ama, Dolores Vazquezen isiltasunaz probestu zen, eta hedabide guztietan agertu zen. Vazquez susmagarri nagusi bilakatu zenean, bere bikotekide ohiaren inguruan gaizki esaka hasi zen telebista kate guztietan, eta bere alabaren hiltzailea hura zela sinistu zuen. Emakume gaiztoaren irudia sortu zuten denen artean, eta telebistak Dolores Vazquez epaitu zuen. Telebistako epaiak justizia zeharkatu zuen, eta probarik gabe Vazquezi hamabost urteko espetxe zigorra ezarri zioten.

Sonia Carabantesen heriotzaren ondorioz, Wanninkhofen hiltzailea Tony King izan zela jakin zen 2003. urtean. Horrek Vazquez errugabe egin zuen, baina gaur egun inork ez dio barkamenik eskatu edota kalte-ordainik eman. Nire iritziz, hedabideek erru asko izan zuten kasu horretan, baina baita erakunde publikoek ere. Dolores Vazquezi egin zioten mina inork ez du sendatuko, baina telesailak zauria ixten lagunduko dio.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©ARITZ LOIOLA / FOKU

«Consonni kreatura mutante bat da»

Amaia Igartua Aristondo

Consonnik 25 urte bete berri ditu. 2012tik argitaletxea ere bada, eta Murrek dio horrek «autonomia» eman diela. Andrazko idazle euskaldunak eta zientzia fikzio feminista itzuli dituzte, besteak beste.
 ©BERRIA / HISTOLABET

Gizakiak, txerri organoak amets

Jakes Goikoetxea

David Bennettek astebete baino gehiago darama bizirik txerri baten bihotzarekin. Transplante hori mugarria izan da, baina ikerketa asko falta da prozedura orokortzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.