Albistea entzun
Emakumeen aurkako indarkeriari ez
Emakumeen aurkako indarkeriari ez
Emakumeen aurkako indarkeriari ez

EKOGRAFIAK

Ospatzeko aurrekaria

Lander Arretxea -

2021eko azaroak 26

Ez dira garai samurrak euskaltzale arduratuarentzat. Begiratu ezker, eskuin, gora, behera. (Ia) denak dirudi mehatxu, kezka iturri. Globalizazio homogeneizatzailea, militantzia ereduaren agortzea, hezkuntza formalaren gaitasun mugatua. Zer esanik ez, arduratu izenondoari nostalgiko edo sumindu gehitzen bazaizkio. Irrati esatarien erregistroa dela, musikari gazteen hizkuntza hautua dela, edo dela zenbait ordezkari publikoren gaitasun urria. Atsekabe eta haserrerako aitzakiak nonahi aurkituko ditu nahi izanez gero. Eta ez da kontu hutsala: ez dago hala —apokaliptiko, larrituta, haserre— lasai bizitzerik; ez eta arazo horiek leunduko dituen taxuzko ekarpenik egiterik ere.

Horregatik da ospatzekoa lorpen eta pauso txiki oro, nahiz eta horrek, behingoz, eszeptikoaren betaurrekoak eranzteko eskatu. Telebista kontuetara ekarrita —horretarako ordaintzen digutenez hemen—, ERCk, BNGk eta EH Bilduk Espainiako Gobernuarekin egindako akordioan, badira pozteko moduko zenbait kontu. Irakurriko zenituen han edo hemen dagoeneko: batetik, streaming plataformetako edukien %6k gutxienez euskaraz, katalanez edo galegoz egon beharko dute. Eta bestetik, Nafarroa osoan ikusi ahal izango da ETB3.

Neurri zehazgabe batzuk baino gehiago dira. Aurrekari bat da akordioa, oraintsu arte pentsaezina zirudien bide bat zabaltzen duena. (Edonongo) Gobernua osatu edo aurrekontuak onartzeko negoziaketak ez ditugu —edo ez dituzte—, orain artean, euskalgintzatik eragiteko abagune gisa hartu. Hormigoia, trenak eta ulertzen ez ditugun partidak hornitzeko soilik balio zuela zirudien oraintsu arte. Eta orain, badakigu joko politiko aldrebes horretan ere badagoela borrokarako eremua. Eremu bat gehiago.

Eszeptikotasunaren betaurrekoak eranzteko unea dela nioen lehen, baina ez gaitezen, ezta ere, bide instituzionalaren ustezko loriaz mozkortu. Negoziaketotan gai hauek mahai gainean egon badira, ez da alderdi jakin batzuen borondate onagatik (soilik). Herri ekimeneko proiektuek —Pantailak Euskaraz eta abarrek— tira gogor egin dutelako da. Hilabeteak daramatzatelako halako pausoen premiaz kontzientziatzen; sarean zein kalean, espazioak hartu eta aldarrikapenez betetzen. Orain orokorregiak diruditen neurri horiek benetan ospatzekoak izango badira, tiraka jarraitu dutelako izango da. Jarraituko dugulako.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Pirritx, Porrotx eta Marimotots, Margarita oiloarekin. / ©Maialen Andre, Foku

'Kuikui', Pirritx, Porrotx eta Marimototsen ikuskizun berria

Ane Insausti Barandiaran

Bihar zen estreinatzekoa emanaldi berria, Amurrion (Araba), baina atzeratu eginen dela iragarri du Udalak. Euskararekiko duten kezkatik sortu dute ikuskizuna. Gai hori ardatz hartuta, ipuin bat, disko bat eta ikuskizun bat prestatu dituzte.

 ©BOB EDME

«Hitzak askabide bat emanen zien andreei»

Ainize Madariaga

Martinen eleek garai batean latsagietan erranen zirenak isurtzen dituzte. Emazteak eta pairatzen duten zanpaketa dituzte protagonista bortz ipuinek: 'Latsagietako eleak'. Gaur entzungai dira.
 ©BERRIA

Izen ez diren izenak

Enekoitz Telleria Sarriegi

Ezizenak gizarte baten isla izan dira, eta hizkuntzaren bizigarri ere izan daitezke. Umorez eta ironiaz heldu zaie askotan, baina adituak ohartuta daude ukitzen dituztela jazarpenaren mugak eta generoaren arrakalak ere. Diotenez, gutxiago erabiltzen dira orain.

Haizearen eta itsasoaren artean

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.