Albistea entzun

EKOGRAFIAK

Jaialdiak eta galak

Amaia Garcia -

2022ko otsailak 1

«Niretzat horrelako galak aspergarriak izaten dira» aipatzen zidan Zaragozako lagun batek larunbatean. Berarekin bazkaldu ostean, Feroz sarietara joan nintzen, eta berak argi utzi zidan gala ikusteko intentziorik ez zuela. Niri, aldiz, asko gustatzen zaizkit: Oscar sarietako gala askotan ikusi dut, eta Goya sarietako gala beti egoten da nire egutegian. Sari hauek telebista jazoera garrantzitsuak izaten dira, eta audientzia onak izaten dituzte. Feroz sariak, berriz, ez dira telebistan ikusi, eta Youtuben izan dira ikusgai. Ordu berean konpetentzia gogorra zuen, gainera: polemika piztu duen Benidormeko jaialdia.

Zaragozan, berriz, polemika gutxi egon zen, eta feminismoaren aldeko aldarri asko entzun ziren. Umorea ezinbestekoa izan zen galan zehar, eta Nacho Vigalondorekin bat Paula Pua zegoen; bere txiste eta komentarioak apartak izan ziren. Ane Gabarainek eta Elena Iruretak emakumeek 60 urterekin edozein paper egin dezaketela aldarrikatu zuten, eta Iruretak argi esan zuen akzioko lan bat egin nahi duela.

Cecilia Bartolome zuzendariari ohorezko saria eman zitzaionean omenaldi polita egin zioten eta Leticia Dolerak argi utzi zuen Bartolomeren zinema galdu egin dugula zentsura frankista eta matxistaren ondorioz. Sarituen artean Petra Martinez aktorea ere egon zen, eta bere diskurtsoan masturbazioaren aldarri paregabe bat egin zuen. Martinezek urteak daramatza aktore lanetan, eta asko borrokatu da dagoen tokira iristeko. Bere saria gaueko une garrantzitsuena izan zen, eta publiko guztia altxatu egin zen bera eszenatokira iristen zen bitartean.

Sariei dagokienez, zineman sorpresa gutxi egon ziren. El buen patrón eta Maixabel izan ziren sarituak. Telesailetan, berriz, nire telesail gogokoenak: Venga Juan eta Cardo. Venga Juan-eko aktoreek eta Diego San Jose sortzaileak une barregarriak ekarri zizkiguten, eta irundarrak euskaraz hitz pare bat ere egin zituen.

Horrelako galak beharrezkoak dira ikus-entzunezkoen industriarako, eta kazetarientzako elkargune aparta izaten dira. Gala hauek ez dira guztien gustukoak, baina zinema eta telesailak maite ditugunontzat ezinbesteko hitzorduak dira. Bertan, aldarri feministek indarra hartu dute azken urteetan eta etorkizunean gehiago izango direla deritzot.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Iruñeko Braulia erraldoia Udaletxe plazan dantzan, 2019ko irudi batean. ©Jagoba Mantero, FOKU

Braulia erraldoiaren dantza, haurren izu

Berria

Herritarrak hunkitu ditu azken egunotan Iruñerrian zabaldutako bideo batek: irudiotan, Iruñeko Braulia erraldoiaren dantza, lau begi gazte balkoian, eta ate danbateko bat, izuaren izuz.

Txikiren ama Antonia Maria Manot, haren semearen hiletan. ©BERRIA

Ez ahanzteko ariketak

Gotzon Hermosilla

Natalia Ginzburg idazleak testu bat argitaratu zuen garai hartako prentsan 1975eko irailaren 27ko fusilamenduen harira. Orain, testu hori euskarara ekarri du Josu Zabaletak; itzultzaileak FRAPeko hiru kondenatuak ezagutu zituen espetxean.

 ©JAGOBA MANTEROLA / FOKU

«Emakume informatikari erreferenteak behar dira»

Unai Etxenausia

II. Gladys saria jasoko du gaur Perez de Viñasprek. Gaztea izan arren, ibilbide oparoa du informatikan. Nabarmendu duenez, gustatzen zaizkion ikerketak egiten aritu nahi du aurrerantzean ere.
Fusilamenduen 40. hurrenarekin batera Vigon herri-harpidetzaz ezarritako iragarkia. ©INFO.NODO50.ORG

Fusilaturik isilgordeena, Garcia Sanz

Miel A. Elustondo

1975eko irailak 27 beti. Frankismo garaiko azkeneko bost fusilatuak. Sanchez Bravo, Garcia Sanz, Baena, Txiki, Otaegi. Haien ondoan militante ez gutxi, heriotzara kondenatuak izanak, zigorra kommutatuak. Askoren artean, Manuel Blanco Chivite. Bizi-bizirik du egun haietako oroitza samina. Ilun beltzaren muturrerainoko bidaia. Azkena.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...