Albistea entzun

EKOGRAFIAK

Galipota

Amaia Garcia -

2022ko azaroak 15

Dena beltza aurkitu genuen Prestige itsasontziaren hondoratzearen ostean. Galiziako kosta beltza geratu zen bitartean, gizarte zibila mugitu egin zen, baina politikariak geldirik geratu ziren. Horietako batzuek «plastilinazko hari txikiak» ikusi zituzten galipotaren ordez.

Igandean 20 urte bete zituen hondamendi horrek. Galiziako kostaldea kaltetzeaz gain, Prestige-k zeraman fuela Kantauri itsaso guztira iritsi zen. Kosta guztia garbitzeko boluntario askoren laguntza behar izan zen. Galiziako gizarteak argi zuen egoera hori errepikatzeko aukera ezin zutela onartu. Sentimendu hartatik jaio zen Nunca Mais mugimendua. Gaur egun, Costa da Morteko hondartzak garbiak daude, baina noizean behin galipot zantzu batzuk agerian geratzen dira.

Azken asteetan Prestige auziaz asko entzun eta irakurri dut. Alde batetik, Xose Manuel Pereiro kazetariak koordinatutako Chapapote liburua aurreko astean hasi nuen. Hori baino lehen, SERen Chapapote: la mancha del Prestige podcasta entzun nuen. Hori gutxi balitz, Carne Cruda podcastak lau kapitulu berezi egin ditu. Momentuz, Prestige, cuando el mundo se quedó mudo saioaren bi kapitulu daude entzungai.

La Sexta kateko Salvados saioak egindako bi atalak ere ikusi ditut. Lehenengoan, 2002. urtean gertatutakoa azaldu zen. Bigarrenean, ondorioak aztertzeaz gain, itsasontziko kapitainaren bila joan dira. Chapapote: la mancha del Prestige podcasteko Manu Tomillo kazetaria ere Apostolos Mangouras kapitainaren bila joan zen, Greziako Ikaria uhartera. Bertan, Mangouras aurkitu zuen, baina ez zuen bere testigantza lortu. Gonzok antzeko egoera aurkitu du. Pertsona askok ezetz esan diote La Sextako saioan agertzeari, baina arrazoiak desberdinak izan dira. Mangouras Prestige-ko aseguru etxeak duen epaiketaren zain dago, besteek ez dute horretaz ezer jakin nahi.

Informazio kanal guztietan zerbait komunean aurkitu dut: manipulazio mediatikoa, Mangouras kapitainari eman zioten tratu txarra, eta erabaki tekniko txarrak hartu zituztenek ez dutela beren akatsa onartu. Atzera begiratu behar dugu hori berriro ez errepikatzeko. Batzuk beltzez zikindu ziren galipota jasotzen, beste batzuek kontzientzia beltza dute oraindik.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Altsasun Momotxorroak aterako dira otsailaren 21ean. ©RAUL BOGAJO / FOKU

Baina noiz dira aurten inauteriak?

Edu Lartzanguren

Goiztiarrenak hasita daude, eta azken Maskarada saioa apirilaren 22an egingo dute, Maulen. 'Dantzan.eus' webguneak 2023ko inauterien egutegia paratu du.

Joel Diaz aurkezle eta umorista ©Vilaweb

TV3eko ‘Zona Franca’ kolokan da, aurkezleak saioa utzi eta gero

Urtzi Urkizu

Joel Diaz aurkezleak ez ezik, Magi Garcia umoristak ere laga du saioa. Egunotan ez dira saioa ematen ari. CUPek TV3eko zuzendariaren dimisioa eskatu du.

 ©JAGOBA MANTEROLA / FOKU

«Donostian inauteriak San Sebastian egunean hasten ziren»

Amaia Jimenez Larrea

XIX. mendean Donostiako inauteriak nolakoak ziren azaltzen duen liburu bat atera du Juan Antonio Anterok. 16 urte zituenean izan zuen lehen harremana inauteriekin, eta geroztik ez ditu alde batera utzi.
Inauterietako eguna ospatu dute Iturenen

Udaberriak ekarri duen soinua

Itsaso Jauregi

Inauterietako eguna ospatu dute Iturenen, eta joaldunek eta mozorroek hartu dituzte herriko kaleak. Tradizioari jarraituz, zubietarren eta aurtiztarren joareak elkartu ziren atzo; gaur, iturendarrek bisita itzuliko diete.

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.