Albistea entzun

EKOGRAFIAK

Kaosa gertu

Amaia Garcia -

2022ko azaroak 22

Sukaldean erritmo eta doinu ezberdinak aurki ditzakegu. Tipula pixkanaka mozteko soinua zerbait goxoa prestatuko den seinale da. Lapikoa bor-bor badugu, usain on bat iritsiko da nahiko azkar gure sudurrera. Etxeko sukaldean erritmoak ez du zertan azkarra izan, baina, jatetxe batean sartzen bagara, erritmoa guztiz aldatzen da. Tipula ziztu bizian mozten da eta lapiko askotatik usain desberdinak ateratzen dira.

Erritmo bizi horretan, ordena mantentzea oso garrantzitsua da. Hutsegite batek egoera guztiz alda dezake. Sinkronizazio egoera batetik kaosera segundo gutxian pasatu daiteke. The Bear (Disney Plus) telesailean, kaosa beti dago presente. Chicago iparraldeko bokata taberna bateko sukalde barrua erakusten digu telesailak. Sukaldea aldaketa prozesu batean dago. Jabea hil egin da, eta bere anaiak negozioa hartu du. Jabearen anaia Carmen da, eta ospe eta kalitate handiko jatetxeetan lan egin ostean, bere ibilbideko erronka gogorrenari aurre egin behar dio: familiako negozioa aurrera eraman behar du. Bere gurasoek ireki zuten taberna, eta bere anaiak ez zion inoiz utzi bertan lan egiten. Anaiaren heriotzaren ostean, dena aldatu da eta sukaldeko langileak ez datoz guztiz bat nagusi berriaren erabakiekin.

Telesailean sukalde baten denboren garrantzia ikusiko dugu. Bitartean, Carmenek iraganeko mamuen aurka egin behar du. Sukaldeko bulegoan sartzean, anaiaren paperak ikusten ditu eta kontabilitatean zuen sistema ez du ulertzen. Sukaldean ordena mantentzeko sistema bat zuen, baina zenbakien artean kaosa da nagusi. Carmenek, sukalde berri baten aurrean jartzeaz gain, bere anaiak zituen zorrei aurre egin behar die. Bitartean, dolua pairatzen ari da eta anaiak zer bizi zuen ulertzen saiatzen ari da. Guztia erlojuak markatzen duen epearen aurka egiten du. Goizero, erlojuari begiratzen dio eta tabernaren irekieraren ordua da epemuga. Tipula mozten den bitartean, denboraren eta kaosaren aurka egiten dute denek. Batzuetan, dena ondo ateratzen da, eta, besteetan, kaosa nagusi izaten da.

Kaos horren aurkako borroka erakargarria egin dute eta pertsonaia guztien sentimenduak azaleratu dituzte beren lanaren bitartez. Sukaldean tipula eta lapikoez gain bizitza gehiago dagoela erakusten da The Bear fikzioan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Altsasun Momotxorroak aterako dira otsailaren 21ean. ©RAUL BOGAJO / FOKU

Baina noiz dira aurten inauteriak?

Edu Lartzanguren

Goiztiarrenak hasita daude, eta azken Maskarada saioa apirilaren 22an egingo dute, Maulen. 'Dantzan.eus' webguneak 2023ko inauterien egutegia paratu du.

Joel Diaz aurkezle eta umorista ©Vilaweb

TV3eko ‘Zona Franca’ kolokan da, aurkezleak saioa utzi eta gero

Urtzi Urkizu

Joel Diaz aurkezleak ez ezik, Magi Garcia umoristak ere laga du saioa. Egunotan ez dira saioa ematen ari. CUPek TV3eko zuzendariaren dimisioa eskatu du.

 ©JAGOBA MANTEROLA / FOKU

«Donostian inauteriak San Sebastian egunean hasten ziren»

Amaia Jimenez Larrea

XIX. mendean Donostiako inauteriak nolakoak ziren azaltzen duen liburu bat atera du Juan Antonio Anterok. 16 urte zituenean izan zuen lehen harremana inauteriekin, eta geroztik ez ditu alde batera utzi.
Inauterietako eguna ospatu dute Iturenen

Udaberriak ekarri duen soinua

Itsaso Jauregi

Inauterietako eguna ospatu dute Iturenen, eta joaldunek eta mozorroek hartu dituzte herriko kaleak. Tradizioari jarraituz, zubietarren eta aurtiztarren joareak elkartu ziren atzo; gaur, iturendarrek bisita itzuliko diete.

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.