Albistea entzun

Koronabirusa

Txertatu gabe, osasun langileek jada ezin dute lanik egin Iparraldean

Gutxienez lehen dosia jarri ez duten langileek ez dute eskuratuko lansaririk, eta, legea urratuz gero, zigortuak izateko arriskua dute. Osasun langileek protesta egin dute Baionan, neurriaren kontra
Atzo gauean, protesta egin zuten osasun langileen derrigorrezko txertaketaren kontra.
Atzo gauean, protesta egin zuten osasun langileen derrigorrezko txertaketaren kontra. GUILLAUME FAUVEAU Tamaina handiagoan ikusi

Oihana Teyseyre Koskarat -

2021eko irailak 16 - Baiona

Neurria indarrean sartu zen atzo: Ipar Euskal Herriko osasun langileek derrigorrez txertatuak izan behar dute lanean segitu ahal izateko. Atzoko eguna izan zuten azken epea gutxienez dosi bat jartzeko. Agindua bete ez dutenek ezin dute lanik egin, lansaririk gabe geldituko dira, eta behin-behinean eten zaie lan kontratua. Lehen dosia baizik jarri ez dutenek, bestalde, urriaren 15era arte izanen dute txertoaren pauta osoa hartzeko.

Emmanuel Macron Frantziako lehendakariak iragarri zuen neurria iragan uztailaren 12an, eta erreakzio soka luzea ekarri du. Baionako ospitalean bertan, derrigorrezko txertaketaren kontrako kolektibo bat osatu zuten. Haien erranetan, kolektiboak 120 kide biltzen ditu, eta salatu dute zuzendaritzak ez dituela kontuan hartu haien «kezkak». Baionako ospitaleko zuzendaritzaren arabera, berriz, erietxeko osasun langileen %1 bakarrik daude txertatu gabe. Segurtatu dute horrek ez duela zalantzan jartzen antolaketa orokorra, baina zenbait zerbitzutan «moldaketa» batzuk egin behar izan dituztela; besteak beste, geriatrian.

Eskualdeko Osasun Agentziak, bestalde, herenegun iragarri zuen kontrol zorrotzak eginen dituela baldintzak bete gabe lanean ari diren osasun langileak kontrolatzeko. Kontrol lan horietan 200 bat agente arituko direla segurtatu dute: isunak eta sei hilabeteko kartzela zigorra ere ezar diezazkiekete legez kanpo lanean ari direnei.

Egoera salatzeko, osasun langile talde batek protesta egin zuen atzo gauean Baionan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Euskal Eskola Publikoaz Harro Topagunearen prentsaurrekoa, atzo, Bilbon. ©JAIZKI FONTANEDA / FOKU

Manifestaziora deitu dute eskola publikoaren alde azaroaren 6rako

Javi West Larrañaga

Arabako, Bizkaiko eta Gipuzkoako hezkuntza akordio berriaren harira, «eskola segregazioari eta inklusio faltari» aurre egingo dien sistema bat eskatu du Euskal Eskola Publikoaz Harro Topaguneak
Emakume bat, etxe agentzia baten aurrean. ©LUIS TEJIDO / EFE

Alokairuen prezioa soilik «tentsio handiko» tokietan mugatuko du Madrilek

Juanma Gallego

Ministroen Kontseiluak etxebizitzaren lege aurreproiektua onartu du. Erkidegoen esku utziko dute araua aplikatzea eta prezioak arautzea
Eusko Jaurlaritzako Osasun sailburu Gotzone Sagardui, artxiboko irudi batean. ©ENDIKA PORTILLO / FOKU

Sagarduik «tentuz» jokatzeko eskatu du, joera «goranzkoa» delako

Irati Urdalleta Lete

Sailburuaren hitzetan, goizegi da beste olatu bat datorrela esateko, eta ez dago jakiterik «goranzko» bilakaerak zer eragin izango duen ospitaleetan

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.