Ostatu barruak ireki dituzte Nafarroan

Joan den astean Nafarroako Gobernuak iragarritako neurria indarrean sartu zen atzo, eta, hortaz, bertako tabernen eta bestelako ostalaritza establezimenduen barruan kontsumitzeko aukera zabaldu zaie Nafarroan herritarrei. Foru gobernuak ezarritako bi aukeretatik bat hautatu behar izan dute ostalariek: lokalen edukieraren %30 erabiltzea ala CO2 neurgailu bat baliatzea, airearen kalitatea neurtzeko. Hautu hori egin dutenek erantzukizun agiri bat sinatu behar izan dute; bezeroen gaineko datuak biltzeko ardura ere izango dute.