Albistea entzun

Mayk urtarrilera gibelatuko du 'brexit'-aren akordioaren bozketa

Erresuma Batuko lehen ministroak zeharo haserretu ditu aurka dituen alderdikideak eta oposizioko alderdiak. May Bruselara joan da Irlandako mugari buruz hitzartutakoaren «argibideak» eskatzera
Theresa May Erresuma Batuko lehen ministroa Europar Kontseiluaren bilkurara iristen, atzo, Bruselan.
Theresa May Erresuma Batuko lehen ministroa Europar Kontseiluaren bilkurara iristen, atzo, Bruselan. STEPHANIE LECOCQ / EFE Tamaina handiagoan ikusi

Mikel Rodriguez -

2018ko abenduak 14

Joan den astelehenean iragarri zuen bezala, Theresa May brexit-erako akordioarentzat «argibide» bila joan zen atzo Bruselara. Ordutik, ordea, anitz aldatu da Erresuma Batuko lehen ministroaren egoera, kargua galtzeko arriskuan egon baita. Alderdikideek aurkeztu zioten konfiantza mozioa gainditu zuen herenegun, baina erronkatik ez da indartuta atera, ezta gutxiago ere. Eta urak ez dira berehalakoan baretuko Erresuma Batuan. Izan ere, Downing Streetek atzo jakinarazi zuen Komunen Ganberak brexit-aren akordioari buruz egitekoa duen bozketa «urtarrilean ahal den agudoen» eginen duela, eta horrek zeharo haserretu ditu Mayk aurka dituen alderdikideak eta oposizioa. «Dimisioa eman beharko luke», adierazi zuen Jacob Rees-Moggek, disidente ezagunenetako batek. Alderdi Laboristak atzo erran zuen ganberak itunaren aurka bozkatu bezain agudo aurkeztuko duela Mayren aurkako zentsura mozio bat.

Herenegun konfiantza mozioa gainditu ondoren, Mayk iragarri zuen agintaldia bukatzean utziko duela kargua. Bitartean, EB Europako Batasunarekin azaroan itxi zuen akordioa burura eramatea du orain helburu nagusi ia bakarra, eta, horretarako, Irlandako mugari buruz hitzartutakoan Bruselak aldaketaren bat onartzea nahi du, aurka dituen alderdikideak eta DUP Alderdi Demokratiko Unionista konbentzitu eta behar bertzeko gehiengoa berma diezaioten Komunen Ganberan. Iragan asteartean egitekoa zen bozketa, baina lehen ministroak gibelatzea erabaki zuen.

Mayk atzo iluntzean eman zizkien azalpenak EBko bertze 27 estatuetako agintari gorenei. Ondoren, elkarrekin afaldu zuten, eta Europar Kontseilua afalondoan hasi zen erantzuna aztertzen —edizio hau ixterakoan, ez zuen adierazpenik egina—. Mayk berak bilkuraren aitzinetik adierazi zuen ez zuela espero «berehalako emaitzarik», eta EBko liderrek ere ikusmina apaldu zuten.

Epe bat Irlandarentzat

Erresuma Batuak EB utzi ondoren Ipar Irlandaren eta Irlandako Errepublikaren artean muga gogor bat ezar ez dadin, Londresek eta Bruselak badaezpadako neurri bat hitzartu dute irlari estatus berezi bat emateko. Estatus hori indarrean sartuko balitz, eperik gabe sartuko litzateke. Atzo hainbat hedabidek argitaratu zuten kontseiluak epe bat ezartzea eskain zekiokeela Mayri. Goizean, ordea, Leo Varadkar Irlandako Errepublikako lehen ministroak adierazi zuen hori egiteak neurria «zentzurik gabeko» bihurtuko lukeela, eta, praktikan, akordioa berriz negoziatzea litzatekeela. Eta hori zen EBk Mayri paratu zion marra gorria.

Eskoziak ezinen dio betoa paratu 'brexit'-a gauzatzeko legeari

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Alemaniako armadako bi soldadu, ariketa militarrak egiten, urtarrilen, Marienbergen, Alemanian. ©MARTIN DIVISEK / EFE

Alemaniak Leopard 1 tankeak bidaliko ditu Ukrainara

Mikel O. Iribar

‘Süddeutsche Zeitung’-en arabera, Berlinek 88 tanke emango dizkio Kievi. EBko zenbait goi kargudun Ukrainako hiriburuan dira, Zelenskirekin batera.

Italiako Polizia hilik aurkitutako zortzi migratzaileen gorpuak daramatzan ontziaren zain. / ©Concetta Rizzo, EFE

Kostazainek 42 pertsona erreskatatu dituzte Lampedusatik gertu

Arantxa Elizegi Egilegor

Zortzi lagun hilik atera dituzte ontzitik. Erreskatatutako migratzaileen esanetan, hotzez hil ziren. Beste bi desagertutzat jo dituzte.

Montanako zeruan ikusi duten ustezko globo espioia. ©BERRIA

AEBek Txinako ustezko globo espioi bat atzeman dute beren aire eremuan

Berria

Txinak «ez espekulatzeko» eskatu du, baina gertakariak korapilatu egin dezake igandetik aurrera Antony Blinken AEBetako Estatu idazkaria Txinara egitekoa den bi eguneko bisita.

Ukrainako armadako soldaduak, atzo, Kramatorsken, goizaldean Errusiak jaurtitako misilek eragindako hondakinen artean. ©SERGEI XESTAK / EFE

Bruselak ohartarazi dio Ukrainari EBko kide izateko bidea luzea dela

Igor Susaeta

Europako Batzordearen arabera, ez da «esprint bat» talde komunitarioan sartzeko prozesua, «maratoi bat baizik». Kievek berretsi du 2024ko abendurako egon nahi duela batasunean sartzeko prest

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.