Kataluniako prozesu subiranista. Epaiketaren bukaera

Ondorioak aurkezteko defentsei asti gutxi ematea salatu dute behatzaileek

Akusatuen abokatuak absoluzioa eskatzeko argumentuak plazaratzekoak dira Espainiako Auzitegi Gorenean, gaur eta bihar. Junqueras: «Ezertarako ez du balio izan epaiketan ikusitakoak»
Akusatuek iragan astean entzun zituzten fiskaltzaren eta Estatuaren Abokatutzaren ondorioak.
Akusatuek iragan astean entzun zituzten fiskaltzaren eta Estatuaren Abokatutzaren ondorioak. AUZITEGI GORENA / EFE Tamaina handiagoan ikusi

Igor Susaeta - Berriemaile berezia

2019ko ekainak 11

Konparazio bat egin dute Kataluniako buruzagi subiranisten kontra Espainiako Auzitegi Gorenean egindako epaiketa ikusi duten behatzaileek. Hiru akusatzaileek, hau da, Goreneko Fiskaltzak, Estatuaren Abokatutzak eta herri akusazioak Vox alderdi ultrak zazpi ordu eduki zituzten, lehengo astean, epaiketaren ondorioen txostenak plazaratzeko. Akusatu bakoitzaren defentsari, aldiz, ordubete emango dio Manuel Marchena epaimahaiburuak. ITW International Trial Watch-Catalan Referendum Case plataformaren bidez epaiketa publiko moduan ikusi duten begiraleek atzo ohar baten bidez salatu zutenez, denbora hori «ez da nahikoa», epaiketaren «tamaina» kontuan hartuta.

Gorenak ezarritako egutegiaren arabera, hamabi akusatuen defentsek gaur eta bihar artean aurkeztu beharko dituzte haien ondorioak. Absoluzioa eskatzekotan dira. Akusatuek, berriz, defentsek bukatu eta gero izango dute azken hitza hartzeko aukera. Ondoren, epaiaren zain geratuko da epaiketa. Auzipetu bakoitzari ordu laurden ematea da Marchenaren asmoa, baina ez du baztertzen malgutasunez jokatzea. Ikusteko dago defentsekin ere irizpide bera erabiliko ote duen.

ITWek txosten bat argitaratu du, astero, epaiketak iraun duen bitartean, eta behin baino gehiagotan kritikatu du Marchena, azpimarratuz akusatuen defentsa eskubidea urratu izan duela, eta «inpartzialtasunez» aritu dela. Atzo kaleratutako oharrean fiskaltza ere jarri zuten jopuntuan. Plataformarentzat, «bereziki kezkatzeko modukoa» da Ministerio publikoak, bere ondorioetan, paralelismo bat egin izana 2017ko urriaren 1aren eta 1981eko otsailaren 23ko estatu kolpearen artean. Behatzaileek pentsatzen dute fiskalek matxinada delitua justifikatzeko erabili dituzten argudioak «politikoak» izan direla, eta ez dutela ez frogen, ez lekukoek deklaratutakoen analisirik egin. «Horrek adierazten du ez dutela oinarrizko eskubideen ikusmolde demokratikoegia». Txostena ondu duten begiraleak kexu dira, aldi berean, hiru akusazioek ez dutelako zehaztu non eta noiz gertatu zen ustezko altxamendu biolentoa.

Espetxean jarraitzeaz

Oriol Junquerasentzat, epaiketan ikusitakoak ez du «ezertarako» balio izan. «Mendeku gosea nagusitu da». Kataluniako presidenteorde kartzelatuak idatzitako gutun bat kaleratu zuen TV3 Kataluniako telebista publikoak, atzo. Azpimarratu du «sinesgaitza» iruditzen zaiola fiskalak egindako kontaketa. «Dena den, jada ezerk ez nau harritzen».

2017ko azarotik dago espetxean Junqueras. Duela bi aste NBEko Atxiloketa Arbitrarioaren Lantaldeak proposatutakoari jarraikiz, epaia eman bitartean kartzelatutako auzipetuak aske uzteko eskatuko dute berriro defentsek. Halere, iturri judizialak aipatuz zenbait hedabidek kaleratu dutenez, Gorenak ez du horretarako asmorik.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Baionako ostatu bat, uztailean. ©Bob Edme

Ostatuak 22:00etan itxi beharko dituzte Ipar Euskal Herrian

Maddi Ane Txoperena Iribarren

Eric Spitz Pirinio Atlantikoetako prefetak neurri berriak iragarri ditu. Ostatuek ezinen dute eramateko alkoholik saldu 22:00etatik aitzina, eta karrikan ezinen da alkoholik edan 22:00etatik 08:00etara. Bezeroen erregistro bat egin beharko dute ostalariek. Ortzegunean jarriko dituzte neurriak indarrean, hamabortz egunerako, gutienez.

Bilboko taberna bat, edukiera murriztuta. ©Jaizki Fontaneda / Foku

Ostalarientzako diru laguntzak eskatu ditu EH Bilduk

Erredakzioa

Sektorea erreskatatzeko plan bat aurkeztu du koalizioak: Eusko Legebiltzarreko osoko bilkurara eramango du.

Ostalariek protesta egin dute gaur Nafarroako Gobernuaren aurrean. ©IÑIGO URIZ / FOKU

Nafarroako ostalariak, itxieraren kontra: «Sektorea kriminalizatzen ari dira»

Ion Orzaiz

Tabernak eta jatetxeak «seguruak» direla adierazi du Nafarroako Ostalaritza eta Turismo Elkarteak. Elkarretaratzeak eginen dituzte ostegunetik aurrera

Udal langileak Azkoienen, kalea garbitzen. / ©Idoia Zabaleta, Foku

Gipuzkoak 100.000 biztanleko 500 positiboren langa gainditu du

Arantxa Iraola-Irati Urdalleta Lete

Hego Euskal Herrian egin dituzten testen %9,2k eman zuten atzo positibo. Eusko Jaurlaritzak ez du «ezer» baztertzen, baina, oraingoz, konfinamenduak eta etxeratze agindua ez daude mahai gainean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna