UEUk euskaraz 'online' emango du irakasletza masterra urritik aurrera

Bigarren Hezkuntzako irakasle izateko behar da masterra, eta urtero ehunka lagunek jotzen dute erdarazko unibertsitateetara, leku faltagatik. UEUk 120 postu atera ditu, eta martxan da izen ematea
Urte osoan hainbat graduondo eta ikastaro antolatzen ditu UEUk, eta beste urrats bat egingo du orain irakasle masterra martxan jarrita.
Urte osoan hainbat graduondo eta ikastaro antolatzen ditu UEUk, eta beste urrats bat egingo du orain irakasle masterra martxan jarrita. JUANAN RUIZ / FOKU Tamaina handiagoan ikusi

Garikoitz Goikoetxea -

2020ko apirilak 14

Euskarazko online ikasketak hedatzeko urrats esanguratsu bat egingo du udazkenean UEU Udako Euskal Unibertsitateak: Bigarren Hezkuntzako irakasle aritzeko masterra ematen hasiko da. Bide luzea egin du proiektuak, eta EHU Euskal Herriko Unibertsitatearekin sinatutako akordio batek ahalbidetuko du martxan jartzea: master ofiziala da, eta, UEUk emateko, EHUk zentro atxiki gisa onartu du UEU —zehazki, hark online ikasketetarako sortu duen institutua—. 120 ikasle hartuko dituzte, eta ziurtzat jo daiteke bete egingo dela: ehunka lagun geratzen dira urtero masterra egin ezinik, leku faltagatik. Erdarazko online unibertsitateetara jotzen dute askok. Hori arindu nahi dute.

Duela egun batzuk zabaldu zuten izena emateko aukera, eta ari dira zerrendak osatzen. «Bagenekien harrera ona izango zuela, urtero ehunka lagun geratzen direlako kanpoan», azaldu du Aitzol Astigarragak, masterraren arduradunak. Hiru espezialitate emango dituzte, eskari handiena izan ohi dutenak: Natur Zientziak eta Matematika, Giza eta Gizarte Zientziak, eta Hizkuntza eta Literatura. 40 postu daude arlo bakoitzean. Astigarragak ez du datu zehatzik eman nahi izan, baina aurreratu du espezialitate batean postuak baino gehiago direla izena emandakoak jada. Maiatzaren 25era arte eman ahalko da izena. Hizkuntza egiaztagiriak behar dira: euskarako B2, ingeleseko B1.

Ikasturte bateko masterra izango da, urritik ekainera, eta Interneten bidezko ikaskuntza izango da ardatza. «Egunerokoa online egingo dugu. Aurrez aurreko bederatzi saio izango dira ikasturte osoan, eta helburu jakinak izango dituzte beti: funtzionamendua azaldu, talde lanak aurkeztu...». Praktikaldia erantsi behar zaio horri: irakasle aritu ahal izateko, institutuetan aurrez aurreko praktikak egin behar dituzte ikasleek.

Ebaluazio jarraitua izango du masterrak: «Parte hartzea, lanak, aurkezpenak... Ez dugu azterketarik planteatu, non eta irakasleren batek egoera jakinen batean ez duen beharrezkotzat jotzen».

Prezioa, EHUn halako hiru

Prezioa da master berriaren eragozpen nagusia: 3.780 euro. Ikasketa berberak 1.300 euro balio du EHUn. «Ahalegin handia egin dugu ahalik eta gehien hurbiltzeko prezio publikora. Kontziente gara alde handia dagoela». Astigarragak azaldu du UEU ez dela unibertsitate publikoa, ez duela haien neurriko babes publikorik. Areago, kasu honetan, matrikularen zati bat EHUra joan da, haren titulua jasoko baitute ikasleek. Masterreko ikasleek aukera daukate ohiko bekak eskatzeko, eta ordainketa malgutzeko moduak bilatzen ari da UEU bera ere.

Mugarria izango da masterra. «Asko kosta zaigu hona iristea», aitortu du Astigarragak. «Egon dira aurretik ahaleginak, baina ez da gauzatzea lortu». Euskarazko online unibertsitatea bultzatzea du urteotako ardatz nagusietako bat UEUk: eskari gero eta handiagoa dute gisa horretako ikasketek, baina euskarazko eskaintza oso mugatua da. Horrek dakar euskaldunek erdarazko unibertsitateetara jo behar izatea Internetez ikasteko. «Master honek zirrikitu bat emango digu. Ez da bertan goxo geratzeko zerbait guretzat. Online arloan daukagu aukera, eta hor lan egingo dugu».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Nafarroako ostalaritza itxita, astean ©Jagoba Manterola / Foku

Arabako, Bizkaiko eta Gipuzkoako herri guztiak itxiko dituzte

Irati Urdalleta Lete

Etxeratze agindua ezarri dute Hego Euskal Herrian 23:00etatik 06:00etara. Bihar sartuko dira indarrean Arabako, Bizkaiko eta Gipuzkoako neurriak. Nafarroako Gobernuak debekatu egin du batera bizi ez direnak etxeetan elkartzea.

Baionako ospitala. ©Guillaume Fauveau

Baionako ospitaleak Plan Zuria aktibatuko du

Oihana Teyseyre Koskarat

Suspertze zerbitzua betetzen ari da. Guztira 27 paziente daude Ipar Euskal Herriko ospitaleetan. 

Oxforden garatzen ari diren txertoak adinekoei immunitatea sortzen diela esan dute

Oxforden garatzen ari diren txertoak adinekoei immunitatea sortzen diela esan dute

Arantxa Iraola

Hainbat adituk ondorioztatu dute T zelulak sorrarazten dituela; uste dute txertoaren «etorkizun oparoaren» seinale izan daitekeela hori

Beatriz Artolazabal Berdintasun, Justizia eta Gizarte Politiketako sailburua, artxiboko irudi batean. ©Raul Bogajo/ Foku

Artolazabalek esan du giza eskubideak errespetatuko dituen espetxe eredu bat bultzatuko duela

Edurne Begiristain

Indarkeria matxistaren biktimen prebentziorako eta arretarako aurrekontua %30 handituko du Eusko Jaurlaritzak legealdi honetan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna