Jaurlaritzak murrizketak finkatu nahi dituela dio ELAk

Indar progresistei dei egin die, Jaurlaritzak irakurraldi bakarrarekin atera nahi duen legea arbuiatzeko. Gastu arauaren ondorioak gaitzetsi ditu beste behin
Josu Erkoreka eta Pedro Azpiazu kontseilariak, Lakuan, artxiboko argazki batean.
Josu Erkoreka eta Pedro Azpiazu kontseilariak, Lakuan, artxiboko argazki batean. JUANAN RUIZ / FOKU

Irune Lasa -

2019ko urtarrilak 26
Aurrekontu berrien faltan, Eusko Jaurlaritzak modu berezi bat erabiliz eguneratu nahi ditu zenbait gastu 2019. urte honetarako. Hainbat iturriren arabera, hiru gai —Jaurlaritzako langileentzako soldata igoera, diru sarrerak bermatzeko errentaren igoera, eta itunpeko eskolen finantzaketa— lege proiektu berean bateratzea erabakiko du datorren asteko Gobernu Kontseiluan. Eusko Legebiltzarrak lege hori —hiru gaiak— irakurraldi bakarrean eztabaidatu eta bozkatzea da Jaurlaritzaren asmoa, nahiz eta oposiziotik zalantzan jarri den prozedura.

ELAk ere gaitzetsi du Jaurlaritzaren jokabidea, agiri batean; are gehiago «atzera bota zizkioten aurrekontuen zenbait puntu gauzatzeko» denean. Aurrekontu haiek, sindikatuaren aburuz, murrizte politikaren jarraipena zekarten, gastu araua bete egingo zela jasotzen zutelako. Arau horren arabera, berdin du ekonomia eta zerga bilketa zenbat hazi diren, administrazioen 2019rako aurrekontuak ezin dira %2,7 baino gehiago handitu. ELAk uste du arau hori betetzen jarraituta «murrizketei jarraipena» ematen zaiela; «hazten ari diren beharrizan sozialak ez dira osatzen» eta zerbitzu publikoen kalitatea «gero eta kaskarragoa da».

DSBEaren inguruan

Sindikatuak zehaztu du lege proiektu horren inguruan funtzionarioentzako aipatzen den %2,25eko soldata igoera ez dela inongo negoziazio mahaitan erabaki, eta administrazioetako langileek azken urteetan %13ko galera izan dutela erosteko ahalmenean.

Era berean, ELAk gogoratu du diru sarrerak bermatzeko errenta lanbide arteko gutxieneko soldatari lotuta dagoela legez —pertsona bakarrarentzako errentak gutxieneko soldataren %88 izan beharko luke eta %100koa pentsiodunen kasuan—, eta salatu du Jaurlaritzak horri «muzin egin» diola «behin eta berriz».

Bestalde, sindikatuak uste du onartu gabeko aurrekontu haietan hezkuntzarako diru gutxi aurreikusten zela. Hazkunde «urria» sendotu egingo du kontzertuak handitzeak, eta baita egoera okertu ere, eskola publikoek diru gutxi hori ere ez dutelako izango. Indar progresistei dei egin die ELAk, lege proiektua arbuia dezaten.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna