Austriako kantziler kargua galdu du Kurzek, zentsura mozio baten bidez

'Eivissa auziaren' ondorioz, oposizio guztiak bat egin du agintari kontserbadorearen aurka. Kurzek gobernukide izan duen FPO alderdi xenofoboko diputatuek babestu egin dute zentsura mozioa
Sebastian Kurz Austriako kantziler kargugabetua, atzoko bozketaren ondoren.
Sebastian Kurz Austriako kantziler kargugabetua, atzoko bozketaren ondoren. CHRISTIAN BRUNA / EFE Tamaina handiagoan ikusi

Julen Aperribai -

2019ko maiatzak 28

Historian lehenengo aldiz, gobernu baten aurkako zentsura mozioak aurrera egin du Austrian. Hala kargugabetu zuen Austriako Parlamentuak Sebastian Kurz kantzilerra, atzo arratsaldean. 110 parlamentarik babestu zuten zentsura mozioa; tartean, FPO alderdi utraeskuindarreko diputatuek, duela egun gutxira arte Kurzen gobernukide izan direnek.

Trantsizio gobernu bat osatzea dagokio orain parlamentuari. Irailean egingo dituzte parlamenturako hauteskundeak, eta ikusteko dago ordura arte nor izango den agintean. Alexander Van der Bellen presidenteak proposatu beharko du gobernuburua orain, eta parlamentuak hura babestu beharko du.

Kurz 2017an iritsi zen agintera, eta urte eta erdiz izan da Austriako kantzilerra. Gobernu koalizioa osatu zuten haren OVP alderdi kontserbadoreak eta FPO ultraeskuindarrak. Eskuin muturraren gorakada Europan hain nabaria egin aurretik,Austrian jada gobernua ultraeskuina babesten ari zen. FPO hirugarren indarra izan zen 2017ko bozetan. Immigrazioaren aurkako adierazpen gogorrek ezaugarritu dute alderdiaren diskurtsoa, besteak beste. Ultraeskuindarren eta kontserbadoreen arteko koalizio gobernua hautsi egin zen, ordea, duela bi aste, Eivissa ustelkeria kasuaren harira.

Alemaniako bi hedabide ezagunek argitara emandako bideo batek hasi du krisia gobernuan. Heinz-Christian Strache FPOko buruzagi ohia eta duela gutxira arte herrialdeko kantzilerorde zena ageri da bideoan. Hain zuzen, 2017an Eivissako (Herrialde Katalanak) etxe batean ezkutuan grabatutako bideoa da, Austriako legebiltzarrerako hauteskundeak baino hiru hilabete lehenagokoa. Bideoan ikus daiteke Strache emakume bati kontratu publikoak eskaintzen, hauteskunde kanpaina diruz laguntzearen truke.

Bideoa publiko egin eta gutxira dimititu zuen Strachek, baina segida izan du ustelkeria auziak, eta, herritarren eta oposizioaren presioak bultzatuta, Kurzek gobernu koalizioa hautsi zuen. Horren ostean, kantzilerrak kargutik kendu zuen Herbert Kickl Barne ministroa, eta ultraeskuindarrek gobernutik ateratzeko erabakia hartu zuten. Egoera nahasiak hala behartuta, hauteskundeak irailera aurreratu zituen Kurzek.

Strache, Europara

Austriako Parlamentua utzi behar izanak ez dio eten ibilbidea Stracheri, Eivissa auziko protagonista nagusiari. Kontrara, aulkia lortu zuen igandean Europako Parlamentuan, 33.000 botorekin.

Kurzek ere ez ditu nabaritu auziaren ondorioak, berriz ere OVPk irabazi baititu Europako hauteskundeak, botoen %35ekin —2014an baino zortzi puntu gehiago—.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Meritxell Budo Generalitateko bozeramailea eta Pere Aragones Kataluniako jarduneko presidenteordea, atzo, herenegun, gobernu bilerara iristen. ©Ruben Moreo, EFE

Kataluniako Auzitegi Nagusiak kanpaina beterako utziko du bozen eguna finkatzeko erabakia

Gorka Berasategi Otamendi

Epaimahaiak behin-behinean mantenduko du otsailaren 14ko hauteskunde deialdia. Kataluniako Gobernuak gaur goizean aurkeztu ditu bozak atzeratzearen aldeko alegazioak.

Bernat Sole Kataluniako Atzerri kontseilaria, Kataluniako Auzitegi Nagusira sartzen, iazko uztailaren 10ean. ©Marta Perez, EFE

Kataluniako Atzerri kontseilaria inhabilitatu du herrialdeko Auzitegi Nagusiak

Gorka Berasategi Otamendi

Bernat Sole desobedientziagatik zigortu du, Agramunt herriko alkate zenean 2017ko independentzia erreferenduma egiten laguntzeagatik.

Jon Bidenen kargu hartzea

Hasi da Bidenen legealdia

Arantxa Elizegi Egilegor

«Demokraziak irabazi» duela nabarmendu eta batasunerako deia egin du Bidenek. Trumpek ez du parte hartu, baina beste hainbat estatuburu ohi izan dira ekitaldian

Manifestari talde bat iragan maiatzean, Floridan, atxilotze zentro baten aurka protesta egiten. ©CRISTOBAL HERRERA / EFE

Trumpen aroa hausteko dekretuak

Ander Perez Zala

Pandemiari, klima larrialdiari eta migrazio politikei buruzkoak dira Bidenek AEBetako presidente gisa hartu dituen lehen neurrietako batzuk; norabide aldaketa bat iradokitzen dute herrialdearentzat.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.