EKOGRAFIAK

Gogoeta bultzatzea zer den

Miren Manias -

2020ko otsailak 14

Hau da Zaldibarko Eitzaga auzoko bizilagunek orain sentitzen dutena: «Ikusita nola jokatzen ari diren, ez dugu konfiantza handirik». «Jendea haserre dago, eta arrazoi guztiarekin», erantsi zuen Naroa Iturri Kolpez kolpe Hamaikaren saioko aurkezleak. «Horrela ikusi dugu egin diren manifestaldi jendetsuetan». Besteak beste, Mallabian, Ermuan eta Zaldibarren egin dira. Zalantzarik balego, Hamaikaren saioak irudi horiekin zabaldu zuen asteazken gaueko atala. Baita ironia kutsu batekin ere. Iturrik ez du ulertzen zergatik egon den hainbeste kexa Iñigo Urkullu lehendakaria Zaldibarrera joan ez zelako. «Sei egun, 8.640 minutu izan dira, besterik ez». Urkulluren adierazpenak sartu zituzten jarraian: «Fisikoki ez, baina lehen minututik gaian nago», azaldu zuen. «Zuzenean jarraitzen». Eta zabor azpian jarraitzen duten bi langileen senideekin ere «egon» direla, esan zuen. Lehendakariak ez zuen beharrik ikusi lehenago Zaldibarrera joateko.

Tessa Andonegi aktorea, berriz, serio jarri zen. «Ulertezina» iruditzen zaio «nola bi hildako egonda» Zaldibarren, «lehentasuna izan den autobidea zabaltzea». Andonegiri ez zaio «buruan sartzen» AP-8a zabalik egotea «aldamenean bi hildako daudenean». Hauteskunde kanpainan ote gaude, jada? Itsaso Lekuona kultur teknikariari ez zaio iruditzen kanpaina egiteko unean gaudenik, «baizik eta Zaldibarren zer gertatu den argitzeko momentuan». Hala azaldu zuen Kolpez kolpe-ko platoan. Gonbidatua senideen lekuan jarri zen: «Ikustea haien erreskatea ez dela lehentasuna, oso larria da». Lurra autobidearen gainera erori ez balitz? Lekuonak argi dauka: «Ziurrenik, ez genukeen horren berri izango, edo lan istripu bezala geratuko litzake», eta, ondorioz, «ez genukeen gai horri buruz hainbeste entzungo».

Hamaikak ikerketa taldea bidali zuen Zaldibarrera. «Tragediak gertuen harrapatu dituen lagunen senideekin egotera». Bidean geldialdia egin zuten, Zumaian, Alberto Sololuze luiziko biktimaren ilobarekin hitz egiteko. Haserrea, informazio falta eta amorrua adierazi zituen Helene Alberdik. Gertaeraren kronologia ere egin zuen Kolpez kolpe-k, Eusko Jaurlaritzaren zein enpresaren jarrerak aztertuz. Ardura asko baitaude: politikoa eta pribatua. Eskerrik asko, herritarroi gogoeta egitera bultzatzearren.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Santos Indurain kontseilaria prentaurreko batean, artxiboko irudian. ©Jesus Diges/EFE

324 kasu atzeman dituzte Hego Euskal Herrian

Berria

Kasuen beherakada orokorra izan da herrialde guztietan: Araban 44 kasu detektatu dituzte (-31); Bizkaian, 180 (-31); Gipuzkoan, 35 (-29); eta Nafarroan, 59 (-87). Nafarroako Gobernuak ez du neurri orokorrik ezarriko oraingoz. «Atzokoa ez zen alarma guztiak pizteko modukoa, eta gaurkoa ez da kriskitinak jotzekoa», adierazi du Santos Indurain Osasun kontseilariak.

Zahar etxe bateko egoiliarrak paseoan, artxiboko irudian. ©Marisol Ramirez/FOKU

Donostiako zahar etxe bateko egoiliar batek positibo eman du

Berria

Zahar etxe bereko bi langile ere kutsaturik daude.

Gizon bat PCR proba egiten, Donostian. ©Gorka Rubio / FOKU

Hogei milioi koronabirus kasu baino gehiago detektatu dituzte mundu osoan

Oihane Puertas Ramirez

COVID-19a 188 herrialdetara iritsi da, eta 736.000 lagun baino gehiago hil ditu.

Nafarroako osasun langileak PCR probak egiteko prest, artxiboko irudi batean. ©Jagoba Manterola/FOKU

Agerraldi bat detektatu dute Murillo el Fruto eta Zarrakaztelu inguruan

Berria

30 positibo atzeman dituzte; gehienak, laborarien artean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna