Albistea entzun

EKOGRAFIAK

Eskubideei gola

Amaia Garcia -

2022ko azaroak 8

Partida hastear dago. Munduko futbol selekzio gehienak prest daude bi aste barru hasiko den futbol lehiaketarako. Denak Qatarrera bidean jarri diren bitartean, giza eskubideen alde lan egiten duten erakundeak Qatarren gertatzen diren urraketak salatzen ari dira. Qatarren, emakumeen eskubideak oso murritzak dira, eta homosexuala izateagatik kartzela zigorrak ezartzen dituzte. Eskubide urraketa larri horiez gain, langileek eskubide gutxi dituzte.

Qatarreko Munduko Koparako eraiki diren estadio guztiak oso bizkor egin dituzte. Eraikuntzaren mirari bat dela esan dute batzuek. Mirari hori lortzeko teknika berririk ez da sortu. Eraikuntzan egon diren langileen eskubideak modu bortitzean urratu dira eta langileen segurtasuna arriskuan jarri da une oro, mirari hori lortzeko. Langile gehienak atzerritarrak dira, batez ere Bangladesh, India, Nepal, Kenya eta Filipinetatik joandako langileak. Langile horien egoeraren inguruko erreportaje bat egin dute La1 kateko Informe semanal saioan. Qatar 2022, balones fuera erreportajean, Qatarreko estadioak eraikitzeko lanetan aritutako langile batzuekin hitz egin dute. Hartan, pasaportea kendu zietela salatu dute. Horrez gain, tenperatura altuekin lan egin behar izan dute eta lanaldi amaigabeak egitera behartu dituzte. Egoera horren ondorioz, langile asko hil egin dira eraikuntza lanetan. The Guardian-ek egindako ikerketa baten arabera, 6.500 langile hil dira eraikuntza lan horietan. Egoera salatzeko, Alemaniako talde batzuek protesta egin dute joan den asteburuan.

Qatarreko estadioen argiak piztu egingo dira bi aste barru, eta, mundu osoko telebistetan, ikusiena izango da zalantzarik gabe. Baloiak aurrera egingo du eta mundu osoko gizonezko futbol jokalariak haren atzetik korrika ibiliko dira. Askorentzat, ibilbide profesionaleko amets bat izango da han biziko dutena. Bitartean, zenbat pertsonak sufritu dute? Doha ingurura joan ziren langile askok amesgaizto bat bizi dute azken urteetan, eta asko ezin izan dira etxera bueltatu. Ez dakit zein selekziok sartuko duen lehen gola eta zeinek irabaziko duen, baina Qatarrek bere irudia zuritzeko egindako sakea gol bihurtzeko bidean dago, eta atearen barrura sartzeko aukera guztiak ditu.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Altsasun Momotxorroak aterako dira otsailaren 21ean. ©RAUL BOGAJO / FOKU

Baina noiz dira aurten inauteriak?

Edu Lartzanguren

Goiztiarrenak hasita daude, eta azken Maskarada saioa apirilaren 22an egingo dute, Maulen. 'Dantzan.eus' webguneak 2023ko inauterien egutegia paratu du.

Joel Diaz aurkezle eta umorista ©Vilaweb

TV3eko ‘Zona Franca’ kolokan da, aurkezleak saioa utzi eta gero

Urtzi Urkizu

Joel Diaz aurkezleak ez ezik, Magi Garcia umoristak ere laga du saioa. Egunotan ez dira saioa ematen ari. CUPek TV3eko zuzendariaren dimisioa eskatu du.

 ©JAGOBA MANTEROLA / FOKU

«Donostian inauteriak San Sebastian egunean hasten ziren»

Amaia Jimenez Larrea

XIX. mendean Donostiako inauteriak nolakoak ziren azaltzen duen liburu bat atera du Juan Antonio Anterok. 16 urte zituenean izan zuen lehen harremana inauteriekin, eta geroztik ez ditu alde batera utzi.
Inauterietako eguna ospatu dute Iturenen

Udaberriak ekarri duen soinua

Itsaso Jauregi

Inauterietako eguna ospatu dute Iturenen, eta joaldunek eta mozorroek hartu dituzte herriko kaleak. Tradizioari jarraituz, zubietarren eta aurtiztarren joareak elkartu ziren atzo; gaur, iturendarrek bisita itzuliko diete.

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.