Albistea entzun

ERREZETA

Borraja entsalada patata berri eta gazta xaflekin

BERRIA Tamaina handiagoan ikusi

Iker Markinez -

2020ko ekainak 20 - Kuko Jatetxea, Ormaiztegi

OSAGAIAK 4 LAGUNENTZAT
3 borraja sorta.
4 patata berri.
Idiazabal gazta berria.
Perrexila.
2 baratxuri ale.
Ozpina.
Gatza.
Oliba olioa.
Piper gorri hautsa.

1. Patata berriak egosi, eta gero epeltzen utzi, zuritu, eta zati lodietan moztu. Gorde.
2. Borrajari hostoak kendu (hostoak beste baterako gorde ditzakegu), eta labana baten laguntzaz dituen iletxoak kendu. Makilatxoetan moztu, eta egosteko prestatu. Horretarako, lapiko bat urez bete, gatza gehitu, eta irakitean, borraja makiltxoak gehitu. Bost minutuz mantendu, eta atera; ur hotzetan ongi freskatu. Ondo iragazi eta gorde.
3. Ozpin-olioa egingo dugu gero: baratxuri aleak txiki-txiki moztuta ontzi batean jarri, perrexila ere xehaturik gehitu, eta bertara oliba olioa eta ozpina gehitu.
4. Platera osatzeko, patatak jarri plater erdian, gatz pittin batekin, borraja makilatxoak gainean, eta prestatu dugun ozpin olioarekin dena ongi busti.
5. Bukatzeko, gazta xafla batzuk gainetik zabaldu (xafla finak lortzeko, barazkiak zuritzeko dugun tresna erabil dezakegu), eta, azken ukitua emateko, norberaren gustura, piper gorri hautsa pixka bat ere gainetik bota.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©GORKA RUBIO / FOKU

«Argazkiak badauka benetakoaren zigilua, eta hitzek ez»

Enekoitz Telleria Sarriegi

Argazkilaritza dokumentalean sinisten du Morelesek: «Informazioa edukitzea kontzientzia edukitzea da, eta horrek ekitera eramaten zaitu». 'Urtzearen aztarna' paratu du Donostian, klima aldaketaz ohartarazteko.

 ©JON URBE / ARGAZKI PRESS

Basogintza eredu berri baterantz

Unai Etxenausia

Ez dago «baso perfektua» sortzeko errezeta magikorik, aldakorra baita Euskal Herriko paisaia. Errez kooperatibako kideak eredu berri bat ari dira lantzen eta proposatzen: baso bakoitzak espezie autoktonoak eta genetika ezberdinekoak izan behar dituela diote, «baso irregularrak» bihur daitezen.
Kotoi markak Irizarren autobusetako ehuna erabiliz sortutako jantziak. ©GORKA RUBIO/ FOKU

Moda egiteko beste modu bat

Amaia Jimenez Larrea

'Ekomoda' erakusketa jarri dute Ezkioko Igartubeiti baserri-museoan, maiatz hasierara arte. Autobusetan erabili gabeko ehunekin egindako jantziak daude ikusgai.
Naizen elkartearen aurkezpen eguneko argazkia, Donostiako Antzoki Zaharrean. ©GORKA RUBIO / FOKU

Naizendarren festa

Ane Insausti Barandiaran

Naizen elkarteak Bigarren Hezkuntzarako sortutako ikus-entzunezkoak eta kamiseta berriaren diseinua aurkeztuko ditu gaur, urteroko festan

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.