ERREZETA

Kantauriko antxoak plantxan, galiziar ukituarekin

JON URBE / FOKU Tamaina handiagoan ikusi

Iker Markinez -

2020ko azaroak 14

OSAGAIAK 4 LAGUNENTZAT

24 antxoa handi.
Pipermorroa.
3 baratxuri ale.
2 dozena Padrongo piper.
Piper hauts gorria.
Oliba olioa.
Ekilore olioa.
Gatza.

1. Lehenik pipermorroa labean erreko dugu; horretarako, labea 200 gradutan berotzen jarriko dugu. Beroa dagoenean, erretilu batean, pipermorroa osorik ipiniko dugu, olio tanta batekin; hogeita bost bat minutuz erreko dugu. Ondoren, erretilutik atera, eta, epeltzen utzi ondoren, azala eta haziak kendu, eta tira luzeetan moztu.

2. Orain, antxoak garbitu, eta hezurra kendu, baina kontuz, isatsa moztu gabe. Beraz, antxoak zabaldurik geldituko zaizkigu, baina bukaeran isatsa mantenduz.

3. Hiru baratxuri aleak zuritu, eta ongi xehatu. Zartagin batean, oliba olio txorrotada batekin berotzen jarri. Gorritzen hasi aurretik, zartagina sutik aldendu, eta baratxuria bertan utzi, berotasunarekin egiten joan dadin. Horrela, baratxuri aletxoak ez dira erreko.

4. Padron piperrak frijitzeko, zartagin edo lapiko txiki batean, ekilore olioa ipini, eta, ongi beroa dagoenean, piperrak bertara gehitu; Gernikakoekin egiten dugun bezalaxe. Ondoren, sukaldeko papera dugun erretilu batera atera, olio soberakina kentzeko. Eta gatz lodia bota.

5. Zartagin zabal bat ongi berotu, eta antxoak seinaka plantxa modura frijituko ditugu. Baina adi: bakarrik azalaren aldetik pasako ditugu zartaginetik. Zartagina oso beroa dagoenez, azala karraskatsu geldituko zaigu, eta, finak direnez, haragia ondo egingo zaigu. Gauza bera egin gero antxoa guztiekin.

6. Erretilu zabal batean antxoak jarri, azala gora begira dutela, ongi lerrokatuta. Pipermorro tirak plateraren erdian jarri, eta azkenik, ozpin txorrotadatxo bat eta gatz pittin bat bota antxoen gainean. Ondoren, aurretik prestatu ditugun baratxuri xehatuak olio pixka batekin antxoen gainetik isuri, koilara baten laguntzaz. Eta ondoren, Padrongo piperrak plateraren inguruan ipini.

7. Galiziar ukitua emateko, nola ez, piper hauts gorria ongi zabaldu plater guztiaren gainetik.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

 ©RAUL BOGAJO / FOKU

«Dena gelditu zen Gasteizen Martxoaren 3an; egunak historia markatu zuen»

Amaia Ramirez de Okariz Kortabarria

Hainbat borrokarekin «konprometitua» egon dela adierazi du Razkinek, hala nola euskalgintzarekin eta langile mugimenduarekin. Lantegietan egin du lan; baita Osakidetzako euskara zerbitzuan ere.
Txillardegiri omenaldia

Loratu dadin txilarra berriz

Enekoitz Telleria Sarriegi

Jose Luis Alvarez Enparantza 'Txillardegi' hil zenetik bederatzi urte bete ziren ostegunean. Txillardegi Udal Liburutegia herri egitasmoak omenaldia egin dio Donostian, senitarteko eta lagunez inguratuta.
 ©HAMAIKA TELEBISTA

«Begi berriekin ezagutu ahalko dugu Nafarroa»

Jakes Goikoetxea

Nafarroa ezagutzen ez duenaren baina ezagutzeko jakin-mina duenaren begiradarekin erakutsiko du herrialdea Khris Maansrik, Hamaika Telebistako 'Nafar away' programa berrian, astelehenetan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna