Albistea entzun

Osasungintzako langile ratioak legez zehazteko eskatu du EH Bilduk

Koalizioak legez besteko proposamen bat aurkeztu du legebiltzarrean. Jaurlaritzari eskatu dio sindikatuekin lege proiektu bat adosteko
Rebeka Ubera, artxiboko irudi batean.
Rebeka Ubera, artxiboko irudi batean. RAUL BOGAJO / FOKU Tamaina handiagoan ikusi

Iosu Alberdi -

2022ko irailak 4

EH Bilduk legez besteko proposamen bat aurkeztu du Eusko Legebiltzarrean, Osakidetzako eta osasun sistema pribatuko langile ratioak legez zehaztu daitezen. Koalizio subiranistako parlamentari Rebeka Uberak Eusko Jaurlaritzari eskatu dio eremu bakoitzeko biztanle kopuruaren araberako ratioak ezartzeko lege proiektu bat aurkezteko: «Gardentasunez jokatzeko, planifikazioan sakontzeko eta egunerokoan lanean ari direnen baldintzak hobetzeko».

EH Bilduren iritziz, beharrezkoa da «osasun sistemaren lan eremu eta kategoria bakoitzean» bermatu beharreko profesional kopuru bat zehaztea, tokian tokiko biztanle kopuruaren araberakoa. Koalizioak azaldu du, osasun langile nahiko ez badago, «ezinezkoa» dela «kalitatezko osasun arreta bermatzea». Hala, Rebeka Ubera Eusko Jaurlaritzari mintzatu zaio, esanez «agintari publikoen ardura» dela kalitatezko osasun arreta bermatzeko baldintzak eta bitartekoak ezartzea.

Parlamentariak gaineratu du lege proiektu horrek osasungintzako sindikatuekin egindako elkarrizketa eta negoziazio baten ondorio izan beharko lukeela. «Irizpide korporatiboak alboratu, ekitaterik eza saihestu, kolektiboen arteko proportzionaltasuna zaindu eta diziplina anitzeko taldeak erreferentzialtzat hartu beharko lituzke», azaldu du. «Asko dugu egiteko eta hobetzeko. Osasun profesionalen artean kexak gero eta gehiago dira, kalitatezko osasun arreta eskaintzeko gero eta zailtasun handiagoak dituztelako», gehitu du.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Bingen Zupiria Eusko Jaurlaritzako bozeramailea gaurko prentsaurrekoan ©Irekia

Zupiriak esan du Osakidetzaren lan ildoarekin «erresistentzia» agertzeagatik izan direla kargugabetzeak

Edurne Begiristain

Gotzone Sagarduik Eusko Legebiltzarrean agerraldia eskatu du, Donostialdeko ESIaren egoera azaltzeko.

Donostiako ospitalaren atarian gaur goizean egindako protesta bilkura ©Javier Etxezarreta / Efe

Donostia ospitaleko 150 langile inguru batu dira gaur ESIko zerbitzuburuen elkarretaratzera

Edurne Begiristain

Osakidetzaren eta Eusko Jaurlaritzaren kudeaketa salatzeko protesta bilkura jendetsua egin dute goizean ospitaleko atarian. ESIko zerbitzuburuek arratsaldean eskainiko dute prentsaurrekoa.

Duintasunaren Kolunbarioa inauguratu zuten uztailean, Urduñako hilerrian ©Monika Del Valle / FOKU

Urduñako espetxe frankistako hogeita hamar presoren gorpuzkiak aurkitu dituzte herriko hilerrian

Berria

Aranzadi zientzia elkartea ari da desobiratze lanetan. Gogora Institutua biktimen senideekin harremanetan jarri da.

Kontseiluko kide diren eragileetako ordezkariak, atzo, Durangoko San Agustin kulturgunean. ©MARISOL RAMIREZ / FOKU

Eskisabelek adostasuna eta «letra larriko politika» aldarrikatu ditu

Julen Aperribai

Euskararen biziberritzea «justiziari eta kohesio sozialari» lotutako auzia dela adierazi du idazkari nagusiak, eta aurreratu du balio horiekin bat egiten duten guztiekin ados jartzea izango duela xede.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...