Albistea entzun

EKOGRAFIAK

Bueltan da

Lander Arretxea -

2022ko irailak 14

Ze ederra izango den itzulera». Hala kantatzen zuen Izarok eta antzera abesten du Pello Reparazek. «Bueltan da», oihukatzen du Bulegok. Euskal mainstream-ak —halakorik ba ote?— ondo jaso du askoren aldarte nostalgikoa: pandemiaz geroztik, etorkizunari iraganaren antzeko zerbait besterik ez diogu eskatzen, antza. Mihiluze-ren berpiztea da horren sintoma. Hilabeteak dira itzulera iragarri zutela, eta, geroztik, irrikaz, baina zalantzati sumatu dut zalegoa. Dozena erdi bat urtez ikusi gabeko lagunarekin batu bezperatan nola: «Lehengo bera izaten jarraituko ote du? Ni naiz, beharbada, asko aldatu dena? Konektatuko dugu lehen bezainbeste?».

Astelehenarekin itzuli zen, behingoz. Eta orain bai, erantzunak zirriborratzeko moduan gaude. Agerikoena zera da: Mihiluze-k, izenaz gain, bere jatorrizko izaera mantendu duela. Saioaren egitura garai bateko bertsua da —bere hiru bikoteekin, Tribuaren Berbak gisako jolasekin, eta botea eskuratzeko azken probarekin—, baita musika eta tonua ere. Lehenago funtzionatzen zuenak funtzionatzen du oraindik.

Berritasunekin zuen saioak egiazko erronka: ikusle gazteagoak erakartzeko modukoak behar zuten izan, baina baita zaletu nostalgikoenek onartzeko modukoak ere. Kike Amonarriz Antton Telleriarekin ordezkatzea da denetan nabarmenena. Berezkoa duen umore beltzarekin saioa apur bat zikintzeko tartea aurkituko duen ikuskizun dago oraindik. Baina edonola ere, Ilaski Serranok eta biek konplizitatea darion bikote orekatua osatu dute. Markagailu soila baino gehiago den pantaila berriak saioaren aukerak zabaltzen ditu. Finalera doan bikotea hautatzeko diseinatu duten Sokatira proban —berria hori ere— luzitzen du gehien. Hori bai, hasiera guztietan egiten du zerbaitek kale: herrenak izan dituen arbela digitala jatorrizko arbela zuriarekin ordezkatu nahi duten zaleak badira dagoeneko.

Ederra izan da —aspaldiko lagunarekin batzera nola— itzulera. Baina hamar urte geroago unibertsitate garaiko kide berarekin pisua eta iluntzeak konpartitu nahi izatea, hori beste kontu bat da. Nago 2022an garai batean baino zailagoa dela ikusleak gauero telebistari begira adi jartzea. Nostalgiaren kartutxoa azkar xahutu eta ikuslearen egunerokoa gozagarriago egiten asmatzea, hori izango da koska.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

 ©EZEZAGUNA / EZEZAGUNA

Iruindarren euritakoak dantzan

Itsaso Jauregi

Iruñean San Saturnino eguna ospatu dute, aterkien azpian. Erraldoirik eta prozesiorik gabeko hirugarren urtea izan da herritarrentzat, baina euriaren azpian kantuan jarraitu dute.
Ezkerretik eskuinera: Ane Garai eta Maialen Oleaga. ©BERRIA

'Kuirpunk' doinuen eztanda

Unai Etxenausia

Perlata eta La Soga del Muerto taldeetako partaideek dena ematen dute oholtzara igotzen diren bakoitzean. Argi daukate jotzeak ematen dien askatasunaz bizi behar dituztela kontzertuak, beti arduraz bizi beharrean.
 ©BERRIA

«Urtubiaren gertukoei gustatu zaie filma»

Urtzi Urkizu

Netflixek Lucio Urtubiaren bizitzari buruzko filma estreinatuko du gaur: 'Un hombre de acción'. Amezkua da gidoilaria, eta azaldu du Urtubiaren bizitzeko moduari eta pentsamenduari fidelak izatea funtsezkoa zela.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...