Albistea entzun

EKOGRAFIAK

Nondik zatoz?

Amaia Garcia -

2022ko azaroak 17

Etorkinen inguruko fikzioetan umorea aurkitzea oso zaila izaten da. Horregatik, bi faktore horiek betetzen dituzten telesailak aurkitzen ditudanean, asko eskertzen ditut. Hori bai, umore hori nondik datorren aztertu behar da lehenago. Nork egiten du barre? Etorkinak ala besteek? Telesaila arrazista al da? Mo (Netflix) telesailean Palestinako familia batek AEBetan bizitzeko dituen komeriak ikusiko ditugu. Familiaren ikuspuntutik dator umorea, eta umore hori drama gogor batetik dator. Telesail horrek umore oso berezia du, eta AEBetako burokrazian harrapatuta dauden pertsonen errealitatea erakusten du.

Familiako seme nagusia Mo da. Familia aurrera eramaten saiatzen da, AEBetako burokraziaren zain dauden bitartean. Asiloa aspaldi eskatu zuten, baina familia osoaren paperak geldirik daude eta egoera irregularrean aurkitzen dira. Burokraziaren zain dauden bitartean, dirua lortu behar dute egunerokoari aurre egiteko. Mok edozein lan eskaintza onartzen du. Kalean arropa eta erlojuak saltzen ditu. Egoera dramatikoa baldin bada ere, protagonistak umoreari tarte berezia egiten dio. Telesaila Texasko estatuan dagoen Houston hirian dago girotuta. Bertan Mexikoko migrante ugari daude, eta Moren neska laguna mexikarra da. Bien esperientzia oso desberdina da; bikotekidea egoera erregularrean dago eta bere negozioa aurrera darama. Bien arteko erlazioan dagoen oztopo nagusia Moren familia da. Moren amak ez du onartzen bere semearen bikotekidea musulmana ez izatea. Horrez gain, Moren itxurarengatik askok mexikarra dela pentsatzen dute eta askotan gazteleraz hitz egiten diote. Mok ingelesa badaki, gaztelera ikasten ari da. Telesail horretan erakusten denez, oso desberdina da AEBetako hegoaldean dauden herrietatik datozen pertsonen migrazio prozesua, Ekialde Hurbiletik datozenekin alderatua.

Mok Palestina aipatzen duenean, pertsona askok ez dute jakiten zertaz ari den eta batzuek israeldarra dela uste dute. Telesailean pertsonaia bakoitzaren jatorria zein den galdetzen dute guztien artean. Denak AEBetan bizi dira, baina inor ez da bertakoa. Paper baten zain dauden bitartean, bizitzarekin aurrera egiteko denetarik asmatzen dute. Bitartean, galdera berbera jasan behar dute, eta erantzuna ez da erraza. Nondik zatoz?

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Altsasun Momotxorroak aterako dira otsailaren 21ean. ©RAUL BOGAJO / FOKU

Baina noiz dira aurten inauteriak?

Edu Lartzanguren

Goiztiarrenak hasita daude, eta azken Maskarada saioa apirilaren 22an egingo dute, Maulen. 'Dantzan.eus' webguneak 2023ko inauterien egutegia paratu du.

Joel Diaz aurkezle eta umorista ©Vilaweb

TV3eko ‘Zona Franca’ kolokan da, aurkezleak saioa utzi eta gero

Urtzi Urkizu

Joel Diaz aurkezleak ez ezik, Magi Garcia umoristak ere laga du saioa. Egunotan ez dira saioa ematen ari. CUPek TV3eko zuzendariaren dimisioa eskatu du.

 ©JAGOBA MANTEROLA / FOKU

«Donostian inauteriak San Sebastian egunean hasten ziren»

Amaia Jimenez Larrea

XIX. mendean Donostiako inauteriak nolakoak ziren azaltzen duen liburu bat atera du Juan Antonio Anterok. 16 urte zituenean izan zuen lehen harremana inauteriekin, eta geroztik ez ditu alde batera utzi.
Inauterietako eguna ospatu dute Iturenen

Udaberriak ekarri duen soinua

Itsaso Jauregi

Inauterietako eguna ospatu dute Iturenen, eta joaldunek eta mozorroek hartu dituzte herriko kaleak. Tradizioari jarraituz, zubietarren eta aurtiztarren joareak elkartu ziren atzo; gaur, iturendarrek bisita itzuliko diete.

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.