Bernadek ez du helegiterik jarriko, uste baitu auzia «manipulatua» dagoela

Clemente Bernad argazkilariak salatu du Erorien Monumentuko kriptan meza bat grabatzeagatik izan duen epaiketa «azpijoko izugarria» izan dela
Clemente Bernad eta Carolina Martinez, atzoko agerraldian.
Clemente Bernad eta Carolina Martinez, atzoko agerraldian. IÑIGO URIZ / FOKU Tamaina handiagoan ikusi

Ion Orzaiz -

2019ko maiatzak 4

«Karta guztiak markatuta daude, eta ez naiz joko horretan sartuko». Clemente Bernad argazkilari eta dokumentalista iruindarrak ez du prozesu judiziala gehiago luzatu nahi, eta ez du helegiterik aurkeztuko urtebeteko espetxealdia eta 3.000 euroko isuna ezarri dizkion sententziaren kontra. ZER kolektiboko kideek lagunduta, epaiaren balorazioa egin zuen atzo, Iruñeko Kondestablearen jauregian. Harekin zen lankide eta emazte duen Carolina Martinez dokumentalista ere: haren kontra ere jarri zuten salaketa, baina epaileak atzera bota zuen, frogarik ez zegoela iritzita.

2016an, Bernadek meza frankista baten irudiak grabatu zituen Iruñeko Erorien Monumentuko kriptan, horretarako bideo kamera txiki bat ezkutatuta. Gurutzearen Zaldun Boluntarioen Anaidiak antolatzen ditu meza horiek, eta elkarte erlijioso horrek salaketa bat jarri zuen Bernaden eta Martinezen kontra, anaidiko kideen intimitatea urratu zutelakoan. Bernadek onartu du irudi horiek grabatu zituela, baina salatu du prozesu osoa «manipulatua» egon dela: «Mezak grabatu nituen interes politiko handiko jarduerak direlako eta ez dakigulako ezer ere haiei buruz, eta horregatik erabili nuen kamera ezkutua. Azpijoko izugarri baten biktima izan naiz. Argi dago manipulazio handi bat izan dela hau guztia; hortaz, ez dut inongo asmorik joko honetan jokatzen segitzeko».

Hala, Bernadek iragarri du «planto» egitea erabaki duela: «Aurre eginen diet zigorraren betebehar guztiei, baina ez arrazoia aitortzen diedalako, baizik eta balizko helegite batek ez lukeelako inongo aukerarik izanen aurrera egiteko; hortaz, uko eginen diot joko burokratiko eta judizialari».

Prozesua, « kutsatuta»

Dokumentalistak aitortu du «atsekabetuta» dagoela prozesuaren nondik norakoak ezagututa: «Epaiaren arabera, gauza bera da udalaren kripta batean grabatzea edo norbaiten egongelan». Bernadek gaineratu du «beti» zaindu duela pertsonen intimitatea, baina dei egin du «interes orokorra» eta «gizarteak jakin beharrekoa» lehenestera.

Xehetasunak ere eman zituen Bernadek. Esan zuen, besteak beste, ikerketa polizialaren arduraduna Daniel Rodriguez izan zela, Espainiako Poliziak Nafarroan zuen burua. Rodriguezek dimisioa aurkeztu behar izan zuen, sare sozialetan hainbat mezu idatzi zituelako Francisco Franco diktadorearen eta 1981an estatu kolpea ematen saiatu zen Antonio Tejero Guardia Zibilaren koronel ohiaren alde. Bestalde, Bernadek azpimarratu du hainbat lekukok «gezurra» esan zutela epaiketak iraun zuen bitartean: «Irregulartasunez betea egon da auzia». Erakunde publikoen jarrera «motz» gelditu dela ere iruditzen zaio: «Gehiago egin zezaketen auzi honetan».

Iruñeko 3. Zigor Auzitegiko epaileak zigortu zuen Bernad: urtebeteko kartzelaldia eta 3.000 euroko isuna ezarri zizkion, eta 1.200 euroren kalte ordaina ere pagatu beharko dio kongregazio erlijiosoko kide bati, «kalte moralengatik».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Kezka adierazi dute lehen arretako hainbat langilek. Argazkian, Bilboko Areilza anbulatorioa. ©ARITZ LOIOLA / FOKU

«Osasun sistemak eztanda egingo du»

Maialen Arteaga

Lehen arretako zentroen estutasunak azaleratu ditu COVID-19ak, eta aspaldiko aldarriak hauspotu ditu. Pandemiaren «bigarren olatua» iritsi dela aitortu du Eusko Jaurlaritzak, baina osasun etxeetan langileen erdiekin eta «lan gainkargarekin» dabiltzala salatu dute.

Bizkaiko zahar etxe bateko egoiliarrak artxiboko irudian. ©Marisol Ramirez/FOKU

Hemezortzi kasu atzeman dituzte Zamudioko zahar etxe batean

Berria

Donostiako eta Bilboko bi zahar etxeetan ere positiboak izan dira.

San Mames zelaia hutsik, Athleticen eta Leganesen arteko partidan, uztailaren 16an. ©Marisol Ramirez / Foku

Beste zazpi positibo euskal taldeen artean

Berria

Athleticen sei jokalarik eman dute positibo, eta Osasunan, berriz, Jagoba Arrasate entrenatzaileak. Alaveseko hiru jokalariri ere detektatu diete COVID-19 gaitza.

PCR probak egin dizkiete Donostiako Ramuntxo Berri tabernan izandakoei. ©Gorka Rubio / FOKU

Beste 505 positibo izan dira Hego Euskal Herrian

Berria

COVID-19a zuten zazpi pertsona hil dira azken astean Araban, Bizkaian eta Gipuzkoan. Probak egingo dizkiete Nafarroako egoiliar guztiei irailean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna