Albistea entzun

Irmo gaitzetsi dute kalean azken hilketa matxista

Soraluzeko Udalak (Gipuzkoa) kontzentraziora deitu du gaur 19:00etarako. Udalak herritar guztiei eskatu die elkarretaratzera bertaratzeko
Elkarretaratzea egin zuten atzo Elgoibarren.
Elkarretaratzea egin zuten atzo Elgoibarren. JON URBE / FOKU Tamaina handiagoan ikusi

Julen Otaegi Leonet -

2022ko irailak 28

Soraluzeko (Gipuzkoa) andrearen hilketa matxistak atsekabea eragin du, eta hura gaitzesteko kontzentrazioak antolatu dituzte. Elgoibarko mugimendu feministak deituta, elkarretaratzea egin zuten arratsaldean dozenaka bizilagunek; udalak bat egin zuen harekin. Irmoki salatu zuten gertatua, eta aldarrikatu zuten ez dela izango erantzunik gabeko erasorik. Soraluzeko Udalak, berriz, gaurko deitu du protesta, 19:00etarako, Plaza Berrian. Herritar guztiak deitu ditu kontzentraziora, eta babesa eskaini die biktimaren familiari eta lagunei.

Soraluzeko Udalak gogorki «kondenatu» du andrearen heriotza. Gogoratu du emakumeen aurkako indarkeriaren «parte bat soilik» erakusten dutela hilketa matxistek. Nabarmendu du, gainera, emakumeen kontrako indarkeriak forma aunitz dituela (psikologikoa, ekonomikoa, fisikoa edo sexuala) eta indarkeria hori dela emakumeen eta gizonen arteko desberdintasunen «adierazpen larriena». «Tragedia horrek euskal erakundeok eta gizarte osoak berdintasuna gauzatzeko dugun erantzukizunaren aurrez aurre jarri gaitu», erantsi du Udalak.

Eusko Jaurlaritzako bozeramaile Bingen Zupiriak «onartu ezinezkotzat» jo du Benidormeko hilketa (Herrialde Katalanak). Halakoak «giza eskubideen urraketa handienak» direla azpimarratu du, eta tamalez nahi baino gehiagotan jazotzen direla. Jakinarazi du instituzioko ordezkariek parte hartuko dutela hilketa matxista salatzeko deialdietan.

Espainiako Poliziak herenegun gauean topatu zuen andrearen gorpua, Benidormeko bere etxean, bi labankada eta indarkeria zantzuak zituela. Hildako andrea M.L.L. da, soraluzetarra, eta 68 urte zituen. Emakumearen senarra, 73 urtekoa, trafiko istripu batean hil zen egun berean, eta Espainiako Polizia horren berri ematera joana zen andrearen etxera. Gizona da andrea hil izanaren susmagarri nagusia, eta hil ostean bere buruaz beste egin zuen, ikerketaren arabera.

115 hilketa 2003tik

2003tik indarkeria matxista dela-eta hildako 115. emakumea litzateke Soraluzekoa, eta aurtengo hirugarrena. Aurtengo lehen hilketa matxista Tuteran izan zen (Nafarroa), urtarrilaren 10ean, eta bigarrena, Barakaldon (Bizkaia), apirilaren 26an.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Greban dauden errepideetako langileek batzar nagusien aurrealdera eraman zuten atzo protesta. ©JONE ARRUABARRENA

EAJk eta PSEk esan dute Aritzetako auzia epaileen esku uzteko

Jone Arruabarrena

ELAk Gipuzkoako Batzar Nagusietan salatu du Bidegik azpikontratatutakoek Aritzetan bota dituztela hondakinak
Egunkariak salgai Donostiako kiosko batean. ©GORKA RUBIO / FOKU

Eusko Legebiltzarrak euskarazko hedabideak «babesteko» eskatu du

Edurne Begiristain

EH Bilduk Jaurlaritzari egotzi dio «erdarazko hedabide handiak» lehenestea diru laguntzetan
Eusko Legebiltzarreko indar politikoak, Euskaraldiari sostengua adierazten. ©BERRIA

Euskaraldian, erdaldunago

Jon O. Urain Gotzon Hermosilla

Euskaraldiak ez du ekarri alderdiek euskara gehiago erabiltzea Twitter bidez hedatzen dituzten mezuetan. Zenbaitetan, erabilera apaldu egin da kanpainak iraun duen bitartean

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.