Albistea entzun

Euskal presoak

Presoei jarritako «oztopoen» berri eman dio Foro Sozialak Hualderi

Foro Soziala Nafarroako Parlamentuko lehendakariarekin batzartu da, «gizarteratze bideetan» ezarritako «blokeoaz» ohartarazteko
Juanje Soria eta Teresa Toda, Nafarroako Parlamentuan.
Juanje Soria eta Teresa Toda, Nafarroako Parlamentuan. IÑIGO URIZ / FOKU Tamaina handiagoan ikusi

Oihane Puertas Ramirez -

2021eko irailak 8

Juanje Soria eta Teresa Toda Foro Sozial Iraunkorreko ordezkariak Unai Hualde Nafarroako Parlamentuko presidentearekin bildu ziren atzo, Espainiako Auzitegi Nazionala presoak gizarteratzeko ibilbideetan jartzen ari den oztopoei buruzko txosten monografiko bat emateko, bereziki fiskaltzan izaten dituzten traben ingurukoa. Bileran, Nafarroako presoen gizarteratze prozesuak blokea ditzaketen oztopoen berri eman zioten Foro Sozialeko ordezkariek Hualderi. Parlamentuko Herritarrekiko Harremanetarako Batzordean ere eskatu du agerraldia foroak, eta Nafarroako Arartekoarekin bilera bat eskatzea aurreikusi du.

Soriak adierazi duenez, Nafarroan 30 herritar daude preso motibazio politikoko delituengatik: «Horietako 25 bigarren graduan sailkatuta daude, bi 100.2 artikuluarekin, eta bat hirugarren graduan». Zortzik, gainera, zigorraren hiru laurdenak beteak dituzte. Soriaren arabera, «presoak berriz integratzeko ibilbide bat zehazteko auzia, dagozkien gradu eta baimenen bilakaerarekin, espetxe politikaren aldaketan sakontzeko funtsezko gai bihurtu da».

Teresa Toda Foro Sozial Iraunkorreko Behatokiko kideak adierazi duenez, espetxe zaintzako Epaitegi Zentralean, Zigor Arloko Salako Lehen Atalean eta fiskaltzan izan dituzte oztopoak: «Espetxe legeria arruntaren arabera, dagoeneko eska ditzakete eta izan ditzakete baimenak, hirugarren gradurainoko aurrerapenak, baldintzapeko askapenak eta abar, baina beren ibilbideetan ustekabeko oztopoekin egiten dute topo, bai Tratamendu Batzarretan, bai espetxe arloan erabakigarriak diren Auzitegi Nazionaleko esparruetan».

Txostena osatzen duten auto judizialetan «jarrera inboluzionistak» agertzen direla azaldu du Todak, eta «duela bi urte baino gutxiago arazorik sortzen ez zuten gai batzuetan atzera egiteko jarrerak» antzematen dituztela. Era berean, gaineratu du kasu batzuetan «agerikoa» dela «zuzenbidearen aurkakoak diren arau juridikoen interpretazio jakin batzuetan oinarritzen direla».

«Arrisku argia»

Foro Sozial Iraunkorreko kideak esker oneko mintzatu dira Hualderekin, harrera egiteagatik. Zehaztu dutenez, dokumentuan elementu horiek jaso izanak ez du esan nahi «instantzia horietan behin betiko ezarrita dauden egoerak edo jarrerak direnik», baina, ziurtzat jo dute «blokeo arrisku argia» dakartela «arinak izan beharko luketen prozesuetan, bat baitatoz espetxeetako legediak eta erregelamenduak ezarritako parametroekin».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Albiste gehiago

Idoia Mendia, Bilboko Campos antzokian egin den PSE-EEren BIltzar Ttipian ©Miguel Toña / Efe

Idoia Mendia ez da aurkeztuko PSE-EEren primarioetara

Joxerra Senar

PSE-EEren Biltzar Ttipian azaldu du duela urtebete hartu zuela «erabaki pertsonal eta politikoa» eta hala aurreratu ziola Pedro Sanchezi: «Ondoren zuek izan zarete lehenak jakiten», adierazi die militante sozialistei

Igor Uriart, Baionako epitegian, gaur arratsaldean ©Bob Edme

Igor Uriarte ez zigortzea erabaki du epaileak, errudun izendaturik ere

Ekhi Erremundegi Beloki

Gaur izan du auzi saioa Baionako epaitegian Frantziako Estatuko lurraldean bizitzeko zuen debekua urratzeagatik. «Berri biziki ona da», Maritxu Paulus Basurcoren hitzetan

Beatriz Artolazabal sailburua, artxiboko irudi batean. ©Monika del Valle / Foku

Jaurlaritzak ongietorrien gaitzespena sartu du Udaberri planean

Gotzon Hermosilla

Bizikidetzaren, giza eskubideen eta aniztasunaren planaren behin betiko bertsioa onartu du Gobernu Kontseiluak.

 ©CHRISTOPHE PETIT TESSON / EFE

«Ez da irreala instrukzio epaileak ez auzipetzea»

Ekhi Erremundegi Beloki

Egoitz eta Josu Urrutikoetxearen abokatuak Frantziako Justiziak euskal militanteei eman dien trataera gaitzetsi du, eta prozedurei buruzko argibideak eman ditu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Egin BERRIAlaguna

Irizpidea duzulako. Giroan zabiltzalako.

Zuk badakizulako.

Egin BERRIAlaguna