Albistea entzun

Zabaldu dute aurtengo Ikergazte kongresuan izena emateko epea

Ekainaren 9tik 11ra egingo dute topaketa, Gasteizen. 163 artikulu zientifiko aurkeztu dituzte
Ikergazte kongresuaren hirugarren aldia egin zuten 2019an, Baionan.
Ikergazte kongresuaren hirugarren aldia egin zuten 2019an, Baionan. BOB EDME Tamaina handiagoan ikusi

Jone Bastida Alzuru -

2021eko apirilak 20

Ekainaren 9tik 11ra egingo dute UEU Udako Euskal Unibertsitateak antolatutako Ikergazte, nazioarteko ikerketa euskaraz egitea sustatzen duen kongresua. Gasteizen izango da, eta atzotik zabalik da topaketan izena emateko epea —maiatzaren 28ra arte egongo da—. Ainhoa Latatu kongresuko koordinatzaileak BERRIAri azaldu dionez, aurreko aldien antzekoa izango da, baina pandemia egoerara «moldatu» behar izan dute. «Egitaraua sinplifikatu dugu, jendea ahalik eta gutxien mugitzeko». Aurkezpen, hitzaldi, solasaldi eta mahai inguruak egingo dituzte, baita saio osagarriak ere.

Printzipioz, «modu presentzialean» egingo dute, koronabirusak horretarako aukera ematen badu. «Gasteizko Europa jauregian izango da, eta oso landua du kontingentzia plana. Horri egokituta, sarrera mailakatua egingo dugu, bideak ondo markatuko ditugu... Aurrez aurrekoa izatea espero dugu».

Amaitu zen lanak bidaltzeko prozesua, eta guztira 163 artikulu zientifiko aurkeztu dituzte. «Inoiz baino artikulu gehiago jaso ditugu», nabarmendu du Latatuk. Partaidetza handia izan da, beraz. «Jendea poztu egin da kongresuarekin aurrera jarraitu dugulako». Horrelako harrera izateak «harritu» ere egin ditu.

Aurtengoa Ikergazteren laugarren aldia izango da. 2015ean egin zuten lehen aldiz, Durangon (Bizkaia), eta berritasun handia izan zen; ondoren, bi urtean behin egin dute: 2017an, Iruñean, eta, 2019an, Baionan. Lataturen arabera, kongresuaren helburuetako bat da ikertzaile euskaldunen ikusgaitasuna handitzea. «Hau da, egiten duten lan hori gure gizartean zabaltzea eta horren garrantziaz jabetzea». Baina harago ere badoa; ikertzaile gazteen arteko sareak trinkotzea eta euskarazko ikerkuntza sustatzea ere baditu jomugan. «Bilgune izatea nahi du: ikertzaile horiek elkar ezagutzeko eta proiektu berriak abiarazteko. Eta, bestalde, euskarazko produkzioa handitzea da asmoa».

Edukiak

Egitarau mardula atondu dute. Goizetan hitzaldiak egingo dituzte, eta topaketei hasiera emango diote Katy Deepwellen mintzaldiarekin; arte garaikidean aditua da, eta teoria feminista aztertzen du. Ondoren, Arantza Diaz de Ilarraza arituko da hizkuntza teknologiaren bilakaerari buruz. Kongresuan zehar, hitzaldiak emango dituzte Nuria Oliver adimen artifizialean adituak eta Eneko Axpe fisikan doktoreak ere. Solasaldietan eta mahai inguruetan beste hainbat gai ere jorratuko dituzte, hala nola ezagutzaren dibulgazioa ahalduntze tresna gisa, edota pandemia osteko egoeraz zer analisi egiten duten zientziaren esparru ezberdinetatik.

Lataturen esanetan, asmoa da kongresua ahalik eta diziplinartekoena izatea. «Denentzako inspirazio iturri izatea nahi dugu, eta elkarlana ere bultzatzea. Ez dadila geratu bakoitza bere ikerketa lan eremuan». Topaketari begira, aitortu du «urduri» eta «ilusioz beterik» daudela: «Gogotsu gaude».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Baionako Arteen Hirian antolatu dute zuzenketa zentroa, Euskal Elkargoaren babesarekin ©Guillaume Fauveau

Euskaraz erantzuniko brebetako azterketak zuzentzen ari dira Baionan

Ekhi Erremundegi Beloki

Zuzenketa zentroa antolatu dute Baionako Arteen Hirian, Euskal Hirigune Elkargoaren babesarekin. Adierazi dutenez, sinetsiak dira ekintzak «ondorioak» izanen dituela. Donibane Garaziko zuzenketa zentroan protesta egin dute sare publiko eta pribatuetako irakasleek, Seaskari babesa erakusteko.

Artxiboko irudia ©Marisol Ramirez / FOKU

Emakume batek sexu eraso bat salatu du Zarautzen

Iñaut Matauko Rada

Zarauzko Udalak erasoa arbuiatu du adierazpen instituzional baten bidez, eta laguntza eskaini dio biktimari.

Zezenketen aurkako protesta

Iruñean salatu dute zezenketak «iraganean» gelditu direla eta «eboluzionatzeko garaia» dela

Lide Egizala Urteaga

Manifestazioa egin dute Anima Naturalis eta PETA erakundeetako kideek, eta zezenketen abolizioa aldarrikatu dute.

Suizidioari buruz aritu dira EHUko Udako Ikastaroetan, <em>Izena duena: suizidioa</em> jardunaldian. ©GORKA RUBIO / FOKU

LGTBI kolektiboko kideen eta adinekoen suizidio tasa handiagoa dela adierazi dute

Oihane Puertas Ramirez

LGTBI kolektiboko kideen eta adinekoen suizidio tasa handiagoa dela adierazi dute EHUko Udako Ikastaroetan suizidioari aurre egiteko tresnei buruz aritzean.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...