Ikergaztek gomita Baionara

Ikerlari euskaldunen nazioarteko biltzarraren hirugarrena maiatzaren 27, 28 eta 29rako finkatu dute
Guelle (ikerlaria), Etxeberria (Iker zentroa), Zavoli (Baionako Unibertsitatea), Omaetxebarria (Ikergazte) eta Sarasola (UEU).
Guelle (ikerlaria), Etxeberria (Iker zentroa), Zavoli (Baionako Unibertsitatea), Omaetxebarria (Ikergazte) eta Sarasola (UEU). BOB EDME Tamaina handiagoan ikusi

Nora Arbelbide Lete -

2019ko urtarrilak 18

Maiatzaren 27tik 29ra izanen du UEU Udako Euskal Unibertsitateak ikertzaile euskaldunen nazioarteko III. biltzarra, Baionan. Tesia bukatzear edo bukatua duten euskal ikerlari gazte guztientzako hitzordua da Ikergazte. Aitzineko aldietan 200 bat lagun bildu zirela eta, dinamika bera Baionan biltzeko esperantzaz daude. «Aukera polita da», Miren Josu Omaetxebarria kongresuko koordinatzailearen iritziz: «Euskaraz diharduten ikertzaile guztiak Baionan biltzea eta haien lanen berri ematea, euskaraz».

Diziplina ezberdinetako ikertzaileei zuzentzen diete xedea: giza zientziak, zientzia zehatzak, teknologiak, arkitektura, osasuna edo beste. Jakinez hori ez dela hain ohikoa kongresuetan, usu biziki espezifikoak izaten direlako. Euskaraz eta Baionan, horrek badu garrantzi berezia. «Iparraldeko konfigurazio berri honetan benetan da interesgarria eta garrantzitsua», azpimarratu zuen Urtzi Etxeberria Baionako Iker zentroko zuzendariak. Ipar Euskal Herria «toki magiko» baten gisan aurkeztu zuen Kepa Sarasola UEUko zuzendariak. UEUren lehen jardunaldiak Donibane Lohizunen iragan ziren, 1973an. Sarasolak nabarmendu zuen garai hartan pentsatzen zela kasik ezinezkoa zela euskaraz ikertzea, eta horra nola, 46 urte berantago, ikertzaile euskaldunak nehoiz baino gehiago diren.

UEUk eta Iker zentroak hitzarmena izenpetu zuten atzo bertan, hain zuzen, egitasmoaren aurkezpenaren haritik: «Lehena da, eta ez da azkena izanen», poztu zen Etxeberria. Philippe Zavoli Baionako campuseko zuzendariak Nazioarteko eta Europako Ikerketen sailaren barnean sartzen du Ikergazte. Helburu berak dituela goraipatu zuen, euskal ikerketen hitzordu horren nazioartekotasuna eta ikerketen aniztasunagatik.

Parte hartzera deitzearekin batera, bere esperientziaren berri eman zuen Pauline Guelle gazteak. Baionan lan egiten eta ikertzen ari da Guelle, zuzenbidean. Duela bi urte, Iruñeko kongresuan parte hartu zuen. Baionan bakarrik euskal ikasketak direla euskaraz egiten damuturik: «Beste arloetan ezin dugu euskaraz lan egin. Horregatik, bikaina izan zen gure lana euskaraz zabaltzeko aukera izatea. Ikergazteren eta UEUren bidez nire lana euskaraz dibulgatu ahal izan dut». Beste batzuk ere gai bera baina beste ikuspegi batekin lantzen ari zirela ohartzeko aukera ere eman zion kongresuak. «Eta horrek zabaltzen dizkizu zure ikerketako ateak ere».

Ikerlari gazte horiei eta haien unibertsitateei «sareak eraikitzea» ahalbidetzen die Ikergaztek, Etxeberriaren iritziz: «Elkar ezagutu, elkarrekin trukatu eta ikerlarien artean elkarlanak sortu ahal izateko». «Euskal komunitate zientifiko intelektuala sortu behar dela beti argi eduki dugu», gaineratu zuen. «Elkarren berri izatea giltzarri da jakintza eta ezagutza zabaldu ahal izateko. Batez ere, euskarazko ikerlariak sakabanatuta gauden honetan. Askotan, ikerketa talde batean, euskaraz aritzen den pertsona bakarra dago».

Maiatza iritsi baino lehen, oraindanik ikerlari gazteek artikuluak bidatzeko epea zabaldu dute. Otsailaren 22ra arte dute beren ikerketa gaiaz artikulua bidaltzeko epea. Ordurako lanak aurkeztera animatzen direnei, martxoaren 15ean iragarriko diete zeintzuk izan diren hautatutako artikuluak. Horiek argitalpen digital batean biltzeaz gain, paperera ekarriko dituzte, Euskal Herriko argitaletxe zenbaitzuekin elkarlanean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Francisco Guerrero egoiliarra, Pfizerren txertoa jasotzen, Iruñeko El Vergel zahar etxean. ©Nafarroako Gbernua

Pfizerren txertoen erdiak iritsi dira Hego Euskal Herrira

Ion Orzaiz - Arantxa Iraola

Aste honetan iristekoak ziren dosien %56 jaso ditu Osakidetzak, eta %50 Osasunbideak. Auziak kalapita sortu du talde politikoen eta administrazioen artean

Erizain bat, emakume bati koronabirusaren kontrako txertoa jartzen. ©CHRISTOPHE ARCHAMBAULT / EFE

Txertaketari buruzko hainbat argibide

Ion Orzaiz - Arantxa Iraola

Zer immunitate dakar txertoak? Noiz hasten da efektua egiten? Zehazki, zer eragozten du txertoak? Txertaketa kanpainak hainbat galdera sortu ditu, eta horietako batzuei erantzun die BERRIAk, Paco Borrego immunologoaren laguntzarekin. 

 ©GUILLAUME FAUVEAU

«Poliziaren egiteko manerek zikintzen dute fama, ez irudiek»

Oihana Teyseyre Koskarat

Polizia indarkeria salatzeko, dozenaka lagun bildu ziren iragan astean Baionan, Nathalie Floresen hilketaren egunean. Frantziako Poliziak Frantziako Estatuan duen pisuaz mintzatu da Alain Larrea abokatua.
<b>Nafarroako Ospitaleko gela bat, artxiboko irudi batean.</b> ©MARISOL RAMIREZ / FOKU

112 lagun daude ZIUetan: azken lau asteetako kopuru handiena

Uxue Rey Gorraiz

Ospitaleetako egoera larriagotzen ari da; 639 pertsona daude erietxeraturik Hegoaldean. Beste 847 positibo atzeman dituzte igandean

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Nora Arbelbide Lete

Informazio osagarria