Abenduaren 1ean kenduko dute Armiñongo ordainsaria

Araba eta Espainia arteko AP-1 autobidearen kontzesioa azaroaren 30ean iraungiko da, eta doakoa izanen da hurrengo egunetik aurrera
Trafikoa Araba eta Espainia arteko AP-1 autobidean.
Trafikoa Araba eta Espainia arteko AP-1 autobidean. JUANAN RUIZ / FOKU Tamaina handiagoan ikusi

Ion Orzaiz -

2018ko azaroak 9

Hilabeteren buruan, doakoa izanen da Araba eta Espainia lotzen dituen autobidean ibiltzea. Jose Luis Abalos Espainiako Sustapen ministroak berretsi egin du ekainean iragarritakoa: Burgos eta Armiñon arteko AP-1 autobidearen kontzesioa bukatuta, gobernuaren eskuetara itzuli eta doakoa izanen dela, alegia. Oraingoan, gainera, eguna jarri du mahai gainean: abenduaren 1a. Egun horretatik aitzinera, kendu eginen dituzte AP-1eko ordainsari guztiak; tartean, Armiñongoa.

Ez da bakarra izanen: Abalos ministroak adierazi duenez, Espainiako Gobernuaren jabetzakoak diren autobideak doakoak izanen dira horien kontzesioak amaitu eta gobernuaren eskuetara itzuli ahala. Oraingoz, legealdi honetan iraungitzekoak diren kontzesioei soilik eraginen die neurriak, baina Pedro Sanchezen gobernuak erabakiko balu erabakia luzatzea, Hego Euskal Herriko beste autobide bati ere eraginen lioke: Bizkaia, Araba eta Nafarroa lotzen dituen AP-68 autobideari. Kasu horretan, baina, 2026an amaituko da kontzesioa. Aitzitik, neurri horretatik kanpo geratuko dira Eusko Jaurlaritzarenak eta Nafarroako Gobernuarenak diren Euskal Herriko autobideak (AP-1 AP-8 eta AP-15), bi erakunde horiek antzeko neurri bat hartzen ez duten bitartean behintzat.

Azaroaren 30era arte, Europistas enpresak du AP-1 autobidearen kontzesioa Espainia eta Araba arteko zatian. Armiñonen du azken ordainsaria autobide horrek, eta opor garaien amaieran auto ilara luzeak sortu ohi dira. Autobideak kudeatzen dituzten enpresen patronalaren ustez, ordea, doakotasunaren neurriak ez du zirkulazioa murriztuko. Kontrara: AP-1eko trafikoa «kolapsatu» eginen dela uste dute, kamioi astunen trafikoa handituko baita.

Abalos ministroaren esanetan, baina, Espainiako Gobernuak ez ditu kontratuak gehiago luzatuko: «Legealdi honetan bukatzekoak diren kontzesioak ez ditugu berrituko. Erabilera libre eta doakoa izanen dute aurrerantzean».

Armiñongo autobidearen ondoren, doakotasunaren aldeko neurriak Herrialde Katalanei zuzenean eraginen die, 2019. eta 2021. urteen artean amaituko baitira AP-2 eta AP-7 autobideetako kontzesioak ere.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Salvador Illa, atzo, Zendal botika etxeari egindako bisitan. ©SALVADOR SAS / EFE

Hamabost talde txertoa jasotzeko

Edurne Begiristain

Espainiak antolatua du txertaketa hiru fasetan egiteko plana, eta biztanleria hamabost taldetan sailkatuko du. 65 urtetik gorakoak eta patologiaren bat dutenak lehenetsi ditu

 ©BERRIA

Euskarari beldurrak erauzten

Maialen Arteaga

Euskara ikasleak ere Euskaraldian murgildu dira. Aurten oraindik «beldurra» eta «lotsa» sentitu dute, baina euskaraz imajinatzen dute etorkizunean beren burua. Ipar Euskal Herrian, eskola batzuek hirugarren txapa bat asmatu dute: klika profila.

Aurizko kultur etxean Mikel Zabalzari egindako omenaldia ©Iñigo Uriz / Foku

Egia aitortzeko exijitu dute Mikel Zabalzaren gertukoek

Iker Tubia - Paulo Ostolaza

Duela 35 urte hilik agertu zen Zabalza, Guardia Zibilak atxilotua izan ondoren, eta gaur egin dute hura oroitzeko ekitaldia, Aurizko (Nafarroa) kultur etxean. Gogorarazi dute aitortzeke daudela Zabalzak jasandako torturak, eta elkarbizitzarako beharrezkoa dela hori egitea. Biharko, auto karabana bat osatzera deitu dute.

Antigeno testak laborategi batean ©Gorka Rubio/ Foku

Hegoaldean %5,05 da positibo tasa, beste 723 kasu zenbatuta

Edurne Begiristain

Kutsatuen kurbak apaltzen jarraitzen du, baina motel. Atzo, beste 47 lagun ospitaleratu zituzten birusarengatik Araba, Bizkai eta Gipuzkoako ospitaleetan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.