Albistea entzun

Gasteizko Michelin 11 egunez itxita egongo da abenduan

Gurpil erraldoien eskaria murriztu dela argudiatu dute. Langileen batzordeak uste du neurriak lotura duela hitzarmenaren negoziazioarekin
Gasteizeko Michelinen lan egiten duen behargin bat, gurpil erraldoi bat aztertzen.
Gasteizeko Michelinen lan egiten duen behargin bat, gurpil erraldoi bat aztertzen. MICHELIN Tamaina handiagoan ikusi

Irune Lasa -

2019ko azaroak 20

Michelinek Gasteizen duen lantegiko zuzendaritzak erabaki du abenduan lana bost egunez etetea. Gurpil erraldoien ekoizpen lineetan egingo dute hori. Bost egun horiek abendu amaierako jaiei batuko zaizkie, eta, ondorioz, guztira 11 egunez egongo da fabrika itxita, abenduaren 20tik 31ra.

Obra publikoetako, ingeniaritza lan handietako eta meatzaritzako ibilgailuetarako gurpil erraldoiak dira Michelinen Gasteizko lantegiaren ekoizpenik garrantzitsuena. Zuzendaritzaren arabera, gurpil berezi horien eskaria murriztu egin da aurten, eta datorren urtean are gehiago apalduko da.

Etenaldiak 1.700 langileri eragingo diela kalkulatu dute —3.500 behargin ari dira Michelinen—, baina haiek ez dute igarriko aldaketarik soldatetan, halako ekoizpen gorabeheretan indarrean sartzen baitira haien lan baldintzetan ezarritako malgutasun neurriak. Ondorioz, egun horiek opor izango dituzte; urteko oporrak beteak dituztenek, berriz, gero enpresari itzuli beharko dizkiote abendu bukaerako opor egun berri horiek.

Langile batzordeko ordezkariek Efe berri agentziari adierazi diotenez, ekoizpen etenaldi hori lotuta egongo litzateke lan hitzarmen berrirako negoziazioekin. Gogoratu dute ezen 2012. urtean ere, langileak eta zuzendaritza lan baldintzak negoziatzen ari zirela, enpresak soilik hilabete batzuetarako ekoizpena programatu zuela. Eta hitzarmena sinatu eta gero, «ekoizpen betean» aritu ziren. Sindikatuek diote «egoera orokorra ona ez bada ere» ez dela horren «larria», eta zuzendaritzaren negoziatzeko estrategia aipatu dute.

Gurpil erraldoien ekoizpena eten egingo bada ere, autoentzako ibilgailuen produkzioa ez da murriztuko; alderantziz, abenduaren 6ko eta 7ko jaiegunak ere lanegunak izango dira linea horietan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Bizkaiko metala epeldu dute 2026ra arte

Bizkaiko metala epeldu dute 2026ra arte

Imanol Magro Eizmendi

Bizkaiko metalgintzako sindikatuen gehiengoak eta FVEMek lan itun berria sinatu dute. Lan Sailak akordiora batzeko esan dio ELAri. LABek eskatu du grebalarien aurkako salaketak indargabetzeko

Bittor San Millan Ondarroako Antiguako Ama Itsas Arrantzale Eskolako zuzendaria. ©Jon Urbe / Foku

«Itsasoko lan gogorra gogoko duten gazteak topatzea da erronka»

Ibai Maruri Bilbao - Bizkaiko Hitza

Ondarroako Antiguako Ama itsas arrantzako eskolak egoitza berria du. Erdi mailako gradu berri bat eskaintzeko aukera eman die horrek, eta simulatzaileak erabiltzen hasi dira, Bittor San Millanek azaldu duenez.

Luiz Inacio da Silva <em>Lula</em> Brasilgo presidentea eta Alberto Fernandez Argentinako presidentea Buenos Airesen. ©EFE

'Sur': diru komun berria Hego Amerikan

Iñaut Matauko Rada

Brasilek eta Argentinak, Hego Amerikako ekonomiarik indartsuenek, diru komun berri bat sortzeko bidea hasi dute aurten. Nahiz eta nazioarteko merkataritzan bakarrik erabiliko litzatekeen, galdera asko sortzen hasi dira gaiaren inguruan, Argentinaren egoera ekonomiko eta finantzario makalagatik batez ere.

Adegiko ordezkariak, gaurko prentsaurrekoan. ©FOKU

Lehengaien eta energiaren prezio handiak dira Gipuzkoako enpresen kezka nagusi

Iñaut Matauko Rada

2023an Gipuzkoako ekonomia %0,5 eta %2 artean handituko dela aurreikusten du Adegik. Enpleguaren inguruko datuak pandemiaren aurrekoak baino hobeak direla gehitu dute.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...