Albistea entzun

Uzta gero eta oparoagoa da

Munduko Txapelketan, Gaztedik zilarra irabazi du emakumezkoen 540 kilokoan, eta Goiherrik, brontzea gizonezkoen 640 kilokoan
Gaztediko eta Goiherriko sokatiralariak, dominak zintzilik dituztela, atzo, Lurmutur Hirian.
Gaztediko eta Goiherriko sokatiralariak, dominak zintzilik dituztela, atzo, Lurmutur Hirian. LUR GIL Tamaina handiagoan ikusi

Julen Etxeberria -

2018ko irailak 21

Euskal Herriko sokatiralariak uzta ederra biltzen ari dira Lurmutur Hirian (Hegoafrika), Lur Gaineko Munduko Txapelketan. Atzo beste bi domina irabazi zituzten taldekako lehiako azken jardunaldian: Gaztedik zilarrezkoa eskuratu zuen emakumezkoen 540 kilokoan, eta Goiherrik, brontzezkoa gizonezkoen 640 kilokoan.

Laukizko (Bizkaia) taldeak gertu izan zuen urrezko domina irabaztea, baina oso aurkari indartsua egokitu zitzaion finalean: Tai Shi-da Jing Mei Tai Taiwango taldea. Gogotik saiatu arren, aukerarik ez zuten izan.

Beraz, Munduko Txapelketako lan erdietan, lau domina daramatzate euskal taldeek. Bi irabazi ditu Gaztedik, eta beste bi Goiherrik, bakoitzak zilarrezko bat eta brontzezko bat: laukiztarrak bigarren izan dira emakumezkoen 540 kilokoan, eta hirugarren gizonezkoen 540 kilokoan; erandiotarrak, berriz, bigarren koskara igo dira gizonezkoen 560 kilokoan, eta hirugarrenera gizonezkoen 540 kilokoan. Euskal ordezkariek berdindu egin dute 2014an ofizialtasuna lortu zutenetik lur gaineko Munduko Txapelketako taldekakoan bildutako uztarik handiena: lau domina irabazi zituzten ere duela lau urte, Wisconsinen (AEB).

Gaurtik, Basque Country

Euskal sokatiralariak taldeka aritu dira txapelketako lehen bi jardunaldietan. Gaur eta bihar, berriz, selekzioen artekoa jokatuko dute, eta beste behin, euskal ordezkariak Basque Country izenarekin ariko dira. Maila guztietan parte hartuko dute, zazpi guztira. Gaur, gizonezkoak 680 eta 560 kilokoetan ariko dira; emakumezkoak, 500 kilokoan; eta mistoa, 580 kilokoan. Duela bi urte Malmoen (Suedia) jokatutako Munduko Txapelketan, emakumezkoek zilarrezko domina eskuratu zuten 500 kilokoan. Bai Wisconsinen eta bai Malmoen sei domina irabazi zituzten guztira.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©ARITZ LOIOLA / FOKU

«Beste gose batez ari gara; bikote gogorragoa gara orain»

Julen Etxeberria

Azkeneko partida irabazita, «itxaropena piztu» zaie Ezkurdiari eta Martijari. Arbizukoaren ustez, «oso-oso zaila» dute kanporaketa jokatzea, baina aukera dagoen bitartean «borrokatuko» dira.
 ©ALLISON DINNER / EFE

Bete du hogei urteko ametsa

Beñat Mujika Telleria Paulo Ostolaza

NBAren historian puntu gehien sartu duen jokalaria bihurtu da LeBron James. Kareem Abdul-Jabbarrek zeukan marka gainditu du, eta hark eman dio lekukoa, Staples Centerreko zaleen aurrean.

Bandres-Karoloko kronoigoeraren irteera, 2019an. Urte hartan jokatu zen azken aldiz. ©JOSERRA ALONSO

Mendi eskiaren festa bueltan da

Ramon Olasagasti

Asteburuan jokatuko da Bandresen eta Karoloren omenezko proba Izaban. Ohi bezala, bi proba jokatuko dira: lineakoa eta kronoigoera

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.