Albistea entzun

'Sparring'-a baino gehiago

2015ean lau eta erdiko txapeldun izan zenean bezala, Mikel Urrutikoetxeak Ibai Zabala izan du lagun entrenamenduetan aurten ere. Atzelaria da, eta ez espezialista, baina konfiantza du harengan.

Imanol Magro Eizmendi -

2017ko azaroak 14

Ibai Zabalak (Berriz, Bizkaia, 1987) ondo daki zein den entrenamendu onen sekretua. «Mikel [Urrutikoetxea] irabazlea da, irabaztea gustatzen zaio, eta ni xaxatzen saiatzen naiz. Entrenamendu batean nire aurka partidatxoren bat galtzen badu, badaki bizpahiru asterako matraka eta adarjotzea duela, eta horregatik ematen du bere onena». Berrizko atzelariak umorea sobera du, baina harro dago Urrutik bera aukeratu duelako txapelketa prestatzeko, askotan gogorra den arren. «Lau eta erdian zenbat jokatzen duen ikusi, nola errestatzen duen, nola mugitzen den... joan antzarak ferratzera! esateko gogoa izan dut askotan».

Pilotarien prestaketa asko teknifikatu da azken urteetan, eta harrigarria izan daiteke Urrutikoetxeak Zabalarekin prestatzea lau eta erdikoa. Zabalak ez du inoiz jokatu Lehen Mailako lau eta erdikoa, baina birritan jokatu du Bigarren Mailakoa, 2008an eta 2009an, eta ez zen final-laurdenetara iritsi. Txapelketa honetan, halere, bost lan saio berezitu egin dituzte elkarrekin —Urrutik beste bat egin zuen Lasorekin—. «2015ean lau eta erdiko txapeldun izan zenean, nirekin entrenatu zen; Nafarroako lau eta erdikoa irabazi zuenean ere bai, eta aurten ere berak eskatu zidan laguntza. 'Nik, Zabalarekin', esaten du, eta pozten naiz».

Baina zergatik? Zabalak bere ustea du: «Nik badakit beste aurrelari batek, Laso batek-edo, entrenamendu kalitate hobea eman diezaiokeela, baina nik aspalditik ezagutzen dut Mikel: hurbiltasuna dugu. Hurbiltasun horri esker, xehetasunak komentatu ditzakegu, eta badakit ez dituela txarrera hartuko. Horrez gain, sakatzaile eta errestatzaile ona naiz, eta hori ere garrantzitsua da». Urrutikoetxeak, izan ere, entzun egiten dio. «Pablo Berasaluzek zuzentzen du entrenamendua. Hark daki gehien, hark irakatsi dio gehien Mikeli, eta, hura badago, ni bigarren mailan gelditzen naiz. Baina zerbaitegatik ezin bada agertu, une horretan beste pilotari multzo bat entrenatzen ari delako, badu konfiantza niri kasu egiteko».

Entrenamendu normalak egiten dituzte, batez ere partidak, 22 tantora. Sakea tartekatzen dute, edo Zabalak birritan sakatzen du eta Urrutikoetxeak behin. «Lehia orekatzeko erabakiak dira. Nik gehiagotan sakatzen badut, bera gehiago estutzeko ahalmena dut, eta horrek bere onena ematera behartzen du». Zabala, gainera, zuzentzen saiatzen da, bere esperientzian oinarriturik. «Orain dagoen mailan gutxi esan behar zaio, ia dena ondo egiten du. Hanka horiekin, erresto hori... Ikaragarri dago. Azken zuzenketa sakearen inguruan egin nion; nik uste dut bortitzago sakatu dezakeela, baina Mikelek sakerako jarrera naturala du. Aurten norabidea hobeto eman dio sakeari».

Zabala pozik dago laguna goian ikusita. «Bilakaera harrigarri baten fruitua da. Inor gutxik daki zenbat ordu sartu zituen entrenatzen: fisikoa, teknikoa...». Urruti da faborito iganderako, eta Zabalak ere hala uste du: «oso zaila da hari irabaztea; nik ez diot zulorik ikusten». Hala ere, garbi du ez dela lasaitu behar. «Hori esan diot nik, jendeari kasu ez egiteko. Askok faborito dela esan arren, partida oso-oso zaila duela jakin dezala. Altuna artista da, eta, sakea hartzen badu, min handia egin diezaioke. Mikelek hori badakiela esaten dit, eta sinesten diot. Pertsona argia da».

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Tarmim Bin Hamad al-Thani Qatarko emirrak eta Tayyip Erdogan Turkiako presidenteak urrian egindako bilera. ©EFE

Malabarismo geopolitikoak

Kristina Berasain Tristan

Washingtonekin aliantza bat izateak Qatarri ez dio eragotzi haren etsai historikoekin ere harremanak izatea. Qatarrek bere ahalmen ekonomiko handian oinarritzen du eragin geopolitikoa.

Senegaleko jokalariak, sailkapena eman zien goletako bat ospatzen. ©RODRIGO JIMENEZ /EFE

Senegal eta AEBak, pozik

Ainara Arratibel Gascon

Ekuador eta Iran menderatu ostean, final-zortzirenetan dira, bigarren sailkatuta. Lehen final-zortzirenak zehaztu dira: Herbehereak-AEB eta Ingalaterra-Senegal
 ©OSKAR MATXIN EDESA / FOKU

«Indartsu baino gehiago, fresko eta bizi hastea izan zen garrantzitsua»

Jon Ander De la Hoz

Hodei Ezpeletak bigarren aldiz irabazi du Euskadiko Herri Kirol Federazioak antolatutako Lehen Mailako Txapelketa. «Puntako aizkolarien falta» izan du hizpide: «Ez dut uste onena naizenik».
Mexikoko selekzioko jokalariak,igandean, Argentinaren aurkako partidan, gol bat sartu zietenean. ©JOSE MENDEZ / EFE

Amildegiaren ertzera itsatsita

Beñat Mujika Telleria

Munduko Koparako sailkatzeko fasean, kritika ugari egin zizkioten Mexikori, eta Qatarren ez da ondo sentitu. Oraingoz ez du golik sartu, eta kanporatua izateko arrisku handia du.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...