Mendi ibilbidea

Getariako mahasti artean

Ibilbide honetan, mahastien marea berdea eta itsasoaren urdina nahastuko zaizkigu begi ninietan.
Talaia inguruan, mahastien artean.
Talaia inguruan, mahastien artean. MIKEL ARRIZABALAGA Tamaina handiagoan ikusi

Mikel Arrizabalaga -

2019ko urriak 15

Gipuzkoako kostaldean dagoen herri txiki eta polit horretan emango diogu hasiera gaurko ibilaldiari. Herria txikia izan arren, oso ezaguna da arrazoi desberdinengatik: munduari bira ematen lehena izan zen Juan Sebastian Elkano marinelaren jaioterria delako, arrantzale giroko herria delako, Cristobal Balentziaga jostun ezagunaren museoa bertan dagoelako eta Getariako Txakolina jatorri izenaren udalerri nagusia delako, bestek beste.

Juan Sebastian Elkanori eskainitako monumentuaren ondoan emango diogu hasiera ibilaldiari. 1922an, Elkanoren bidaiaren 4. mendeurrena zela eta, XVIII. mendeko Getariaren harresiko gotorleku baten gainean monumentu bat eraikitzen hasi ziren. Eskultura proiektua Victorio Cachok diseinatu zuen ArtDeco estiloan oinarrituz. Getariatik Zarautz aldera joko dugu N-634 hondartzaren gainetik eta errepidearen ondotik. Kilometro erdi bertatik bete ondoren, autoek bira ematen duten lekuan errepidearen beste aldera pasa eta Iturritxiki izenez ezagutzen lekura iritsiko gara. Lurrezko pistatik aurrera egin eta berehala, ezkerraldera zuzentzen den bide zabaletik gorantz joko dugu Talaia aldera. Basoa atzean utzi eta lehen mahastiekin egingo dugu topo, eta horien ondotik segituko dugu goiko aldera heldu arte. Mendiaren magal guztiak mahastiz jantzirik daude, eta ikuspegi aparta izan dugu.

Etorritako bidetik metro batzuk atzera egingo dugu, eta berehala ikusiko dugu mahastian barneratzen den bide zabala. Mahatsondoen mendean sulfatoa egiteko erabiltzen zen putzu baten ondotik pasatuko gara. Ibilbideak mahastia zeharkatu egiten du, eta azken zatian aldapa pikoak Ubidiko errekaren ondoan utziko gaitu. Ingurune hori, maiz, lokaztuta egon ohi da, eta komeni da egun lehorra aukeratzea ibilbide hori egiteko. Pistak berriro maldan gora jarri, eta Ametzmendi txakolin bodegara eramango gaitu. Mahasti bikainen artean zabaltzen den porlanezko bideak Gaztaka Haundi baserrira gerturatuko gaitu, eta Zarautzetik datorren bidearekin bat egitean ezkerraldera joko dugu, maldan gora, GR-121 eta Talaia bidea seinalatzen duen bidegurutze arte.

Toki horretan, bide balizatua (marka zuri, gorri eta horiak) hartuko dugu. Zumaiarantz zuzentzen den bide zabaletik aldapan gora eta behera ibiliko gara, Garateko gainera iritsi arte. Bidearen zatiri altuena den horretatik mahastien ikuspegi paregabea izango dugu, itsasora amiltzen diren magalak mahastien kolore berdez janzten dira, eta itsasoaren urdinarekin nahasten dira postal paregabea osatuz. Bidetik at, Gazteluzar (Santa Barbarako gaztelua) geratzen da, Hirugarren Gerra Karlistan erabilia Garateko gotorlekua babesteko.

Garate gainera heltzean, bide balizatua utzi, eta errepidean barna jaisten hasiko gara. Aranguren baserria pasatu, eta, Golindora heltzean, errepide nagusia utzi, eta ezkerretik ateratzen den herri bidetik Getaria aldera gerturatzen hasiko gara. Berriro errepidera atera, eta parez pare ikusiko dugun herri bidean aurrera joko dugu. Kanposantua ezkerraldean utzita, Cristobal Balenciaga museoaren ondotik herriguneraino zuzen jaitsiko gara.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Jendea maskararekin, Hendaiako tren geltokian. / ©Guillaume Fauveau

Leku publiko itxietan maskara erabiltzea baitezpadakoa izanen da Ipar Euskal Herrian

Ekhi Erremundegi Beloki

Jean Castex Frantziako lehen ministroak adierazi du heldu den astetik aitzina sartuko dela indarrean neurria Frantzian eta Ipar Euskal Herrian. Frantzia iparraldean eta Paris ingurunean foku gehiago agertu dira azken asteetan.

Nekane Murga jarduneko Osasun sailburua agerraldi batean. ©David Aguilar

80 kasu gehiago agertu dira Hego Euskal Herrian

Andoni Rekondo Izagirre - Joxerra Senar

Azken 24 ordutan 58 kasu agertu dira Araban, Bizkaian eta Gipuzkoan, eta beste 22  Nafarroan. Beste pertsona bat hil da COVID-19aren ondorioz

Iruñeko Carlos III etorbidean, jendea maskara eramanez. Erabilera orokortzen ari bada ere, joera hori areagotzea bilatzen du administrazioak. / ©IÑIGO URIZ /FOKU

Kalean ere, maskararekin

Joxerra Senar

Maskara erabili behar da toki irekietan eta itxietan: gaurtik aurrera Araban, Bizkaian eta Gipuzkoan; bihartik Nafarroan. Hegoaldean, 80 kasu agertu dira, eta birusaren aurrean erne egotera dei egin dute.

Herritar bat maskara jantzita duela, artxiboko irudian. ©Luis Jauregialtzo, FOKU

Larunbatetik aitzinera maskara derrigorrezkoa izango da Trebiñun

Ainhoa Larretxea Agirre

Sei urtetik gorako herritarrek derrigorrez erabili beharko dute maskara leku ireki zein itxietan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna