Parot anaien ama hil da, hamar urtez bi presoak ikusi gabe egon ondoren

Berria -

2018ko martxoak 13
Aurreko asteko ostiralean hil zen Antonia Navarro Ortuño, Ion Kepa eta Unai Parot euskal presoen ama. 91 urte zituen, eta, gertukoek jakinarazi dutenez, azkenengo hamar urteetan ezin izan ditu espetxeetara bidaiak egin bi semeak ikusteko. Ion Kepa Parot Euskal Herritik 430 kilometrora dago, Mureteko espetxean (Okzitania). DPS estatusa du —espetxealdi gogorrena—, eta bizi guztiko kartzela zigorra; otsailaren 22an, Frantziako Justiziak ukatu egin zion baldintzapean aske geratzea. Unai Parot, berriz, Puerto IIIko espetxean dago (Espainia), etxetik 1.050 kilometrora, eta, anaia bezala, erregimenik gogorrenean, lehen graduan. Amari larunbatean egingo diote azken agurra, Altzürükün (Zuberoa), 15:00etan. Ostegunera arte Baigorriko ehorzketa etxean (Nafarroa Beherea) egongo da.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna