Noiz sortua: 2019-10-10 00:30:00

Hondarribiko alardea

Politikariak ez dira batu alardean irteteko «eskubidea» defendatzeko

Elkarrekin Podemosek eta EH Bilduk mozio bat itundu dute andreen eskubidea gogoan hartuta, baina ez dute erakarri PSE. EAJk ordezko bat egin du: «elkarrizketa» aipatu du, «berdintasunik» ez

Jaizkibel konpainiaren desfilea, aurten.
Jaizkibel konpainiaren desfilea, aurten. IDOIA ZABALETA / FOKU Tamaina handiagoan ikusi

Arantxa Iraola -

2019ko urriak 10

Hondarribitik heldu diren azken mezuek (Gipuzkoa), alegia, alarde ez-parekidearen inguruko hainbat gaztek emakumeek desfilean parte hartzeko «eskubide osoa» dutela adieraziz plazaratu berri duten mezuak, bi hamarkada pasatxo daramatzan gatazka hori konpontzeko bidean dagoen esperantza piztu du, eta pentsarazi du, gainera, konponbiderako urratsak egingo direla emakumeek alardean —beste edozein jardueratan bezala— gizonen pare irteteko duten eskubidea aintzakotzat hartuta: hori gauzatzeko bideak garatuta. Atzo Gipuzkoako Batzar Nagusietan EH Bilduk eta Elkarrekin Podemosek horixe eskatuz aurkeztu zuten mozioak, ordea, ez zuen aurrera egin, eta argi geratu ziren gaiaren inguruan oraindik dauden ikuspegi arrunt ezberdinak. Bi talde politikoek hitzartu zuten testuan jartzen du konponbidea bilatzeko egin beharreko urratsetan andreek festan parte hartzeko duten «eskubidea» hartu behar dela ardatz, eta EH Bilduko batzarkide Amaia Azkueren arabera, hortxe jarri zieten PSE-EEko kideek eragozpena. Hain justu, talde horrek aurkeztutako ordezko testuan aipatzen da berdintasuna hitza, baina puntuetako bakar batean ere ez da ageri eskubidea.

Bestelakoa izan zen EAJk aurkeztutako zuzenketa. Emakumeen parte hartzeko eskubiderik ez da aipatzen. «Elkarrizketa» sustatu behar dela dio testuak: errepikakor. «Hiru puntu ditu testuak; hiruretan agertzen da elkarrizketa hitza. Orain hori da garrantzitsuena: denon arteko elkarrizketa», azaldu zuen Maije Zelaia batzarkideak. Eta, azkenean, ia batere adostasunik gabe amaitu zuten gaiari buruzko eztabaida. Testu guztiak geratu ziren aski babesik gabe. Soilik PSE-EEren zuzenketan agertzen zen puntu batek lortu zuen gehiengoaren babesa; mozioa puntuka bozkatzen bazen, testuaren hirugarren puntuari atxikimendua erakutsiko ziotela esan zuten jeltzaleek. Horrek bakarrik egin zuen aurrera. «Elkarrizketa» du hizpide, horretan egin diren urratsetan «lanean» segitzeko.

«Pena» adierazi zuten EH Bilduko ordezkariek harago egiterik lortu ez zelako. «Tentsioa jaisteko asmoarekin ibili zarete azken urteotan: ez da nahikoa», esan zien Amaia Azkue batzarkideak foru gobernuko buruzagiei. Auzian esku hartu behar dutela oroitarazi zien. «Galdera oso sinplea da: berdintasunaren alde egiteko prest al daude aldundia eta ahaldun nagusia?». Elkarrekin Podemoseko ordezkari Marivi Eizagirre antzera solastatu zen, eta Jaizkibel konpainiaren jarduna —parekide bakarra da, aldarri parekidearen sustatzailea— goraipatzeko eskatu zuen: «Jaizkibel tradizioaren parte da. 25 urte daramatza hori eskatzen, eta ez zaio onartzen; hori diskriminazioa da, instituzioen abaroan egindako diskriminazioa». Horregatik, jarduteko modu hori gainditu, eta norabide aldaketa egiteko eskatu zuen: «Aldundi honek ez dio berdintasun printzipioari babesa argi adierazi, eta tradizio ororen gainetik egon beharko luke».

Maije Zelaiak, aldiz, urteotan alardeen auzia bideratze aldera egin den lan instituzionala goratu egin behar dela defendatu zuen. Areago, aurreko legealdian —EH Bildu agintean zela— lanari ekiteko ipini ziren oinarriak zein izan ziren zehaztu gabe, esan zuen 2018a izan zela konponbidean urratsak egiteko «inflexio» puntua. Urte horretan aparteko gogortasuna izan zuten Jaizkibel konpainiaren kontrako arbuio keinuek, eta ozendu egin ziren auzian esku hartzeko eskeak. Urrats erabakigarriak egin direla esan zuen. «Esaterako, aldundiarentzat ezinbestekoa zen udala inplikatzea, gidari izatea; lortu da». Hondarribiko alkatea beti izan da alarde baztertzailearen aldekoa, eta publikoki inoiz ez dio atxikimendurik azaldu Jaizkibeli, baina jeltzaleen aburuz, hor dago konponbiderako gakoa. «Mugimenduak badira; gauzak aldatzen hasi dira. Prozesua martxan da, modu diskretu batean». Jenny Pearce bitartekariak azken hilabeteotan egin duen lana ere nabarmendu zuen.

PSEko ordezkari Petri Romerok «berdintasun eskubidea» hizpide izan zuen haren hitzartzean, aurkeztu zuten zuzenketan ez bezala. Andreen aldarria aitzakiarik gabea dela onartu zuen: «Ezin da ulertu ukaziorako motibo izatea andre batzuek jai batean parte hartu nahi izatea».

Oihana Etxebarrieta: «Parekidetasunaren aldeko keinuak ugaritzen dira urtero»

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 6an eguneratua. ©BERRIA

Koronabirusaren azken datuak

Berria

Azkeneko 24 orduetan zazpi lagun hil dira COVID-19 gaitzaren eraginez. Hamalau positibo atzeman dituzte PCR probekin, eta gaixo bat ospitaleratu dute. Euskal Herrian 29.723 gaixok eman dute positibo guztira, koronabirusa atzemateko probaren bat eginda. Horietatik 2.089 hil dira. Grafikoak, albiste barruan.

Haur bat, konfinamenduan, etxean jolasten. / ©Iñigo Uriz, Foku

Astelehenetik ireki ahal izango dituzte haur eskolak Araban, Bizkaian eta Gipuzkoan

Irati Urdalleta Lete

Hiru herrialde horietako herritarrek hiruretan mugitzeko aukera izango dute. Ostalaritzan ez da gehienezko edukierarik egongo, eta barran zerbitzatzeko aukera ere izango dute. Diskotekek eta gaueko tabernek itxita jarraitu beharko dute. Hogei pertsona arte elkartu ahal izango da, bai etxean eta bai kalean.

Atzo Villabonan egin zuten bertso saiora sartzeko segurtasun neurriak. / ©Gorka Rubio, Foku

Alarma egoera amaitu ondoren ere maskarak erabiltzea beharrezkoa izango da Hego Euskal Herrian

Jon Ordoñez Garmendia

Ehun euro arteko isunak aurreikusten ditu Espainiako Gobernuak prestatu duen dekretuak, maskara erabiltzen ez dutenentzat. Urgentziazko kasuetan Osasun Ministerioak eskuduntzak bereganatzeko aukera izango du berriro.

Herritar batzuk Debako (Gipuzkoa) parke batean, elkarren arteko distanziak zainduz. ©GORKA RUBIO / FOKU

Araba, Bizkai eta Gipuzkoa artean ibili ahalko da astelehenetik aurrera

Jakes Goikoetxea

Espainiako Gobernuak jakinarazi du Hego Euskal Herria hirugarren fasera pasatzea onartu duela. Jaurlaritzak eta Nafarroako Gobernuak izurritearen kudeaketaren kontrol osoa berreskuratuko dute

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna