Noiz sortua: 2020-01-07 00:30:00

BIRA

Nahi gabe

Onintza Enbeita -

2020ko urtarrilak 7
Urteko lehen egunetan arraroa izaten da data idatzi behar dugun orriak betetzea. Ez dakit zuek, baina nik askotan jartzen dut aurreko urteko data. Urtarril guztietan gertatzen zaidan zerbait da, umetatik. Koaderno guztietan egingo nuen tipex markaren bat edo txapuzaren bat urtea zuzentzeko. Nahita ere ezin gauden urtea idatzi; lehengora tira beti. Orain ere hala gertatzen zait: dozena erdi dokumentu bete arte, ez naiz ohituko 2020 idaztera. Izan daiteke besterik gabe egiten dugun zerbait, inertziaz, nahi gabe, kasualitatez. Izan liteke errakuntza normala, guztioi gertatzen zaiguna, naturaltzat hartzen den akatsa. Baina beste zeozer esan nahiko balu?

Eta esan nahiko balu kosta egiten zaigula gauza berrietara salto egitea? Esan nahiko balu oso eroso egoten garela gauden lekuan, nahi bezain ondo ez bagaude ere? Esan nahiko balu gau bakarra irauten dutenean ere mugak zeharkatzea kosta egiten zaigula? Eta urtea aldatu ezinak erakutsiko balu beste gauza asko aldatzeko ere zailtasun handiak ditugula gure bizitzetan?

Ez nahiz terapeuta, ez naiz psikologoa, ez naiz psikoanalista: kazetaria baino ez naiz titulazioz. Eta, hala ere, iruditzen zait inertziaz egiten ditugun gauzek zerbait erakusten dutela, geure buruari onartzen ez diogun gauzaren bat.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna